Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Unesco Etxeko hizkuntzalariek herritarrek euskararekiko dituzten jarrera, iritzi eta sentimenduak aztertuko dituzte


2006-12-14 14:59

Baztarrikak uste du beharrezkoa dela euskararekiko dagoen pertzepzioaz gogoeta egitea hizkuntz politika eraginkorragoa lortzeko

DONOSTIA, 14 (EUROPA PRESS)

Unesco Etxeko hizkuntzalarien talde batek herritarrek euskararekiko dituzten jarrera, iritzi eta sentimenduak zeintzuk diren aztertuko dituzte, Eusko Jaurlaritzako Hizkuntz Politikarako Sailburuordetzarekin sinaturiko akordio baten ondorioz.

Akordioa hiru urtez izango da indarrean, eta 85.000 euroko aurrekontua izango du 2006rako, 90.000 eurokoa hurrengo urterako eta beste 90.000 eurokoa 2008rako. Aurrekontu horretatik, Eusko Jaurlaritzak %80a jarriko du eta Unesco Etxeak gainontzeko %20a.

Unesco Etxeak egingo duen ikerketaren helburua da elebarkatasunaren, elebitasunaren eta eleaniztasunaren inguruko jarrerak eta pertzepzioak aztertzea, talde sozialen eta eremu soziolinguistiko ezberdinen aniztasuna kontuan izanik, Patxi Baztarrika Eusko Jaurlaritzako Hizkuntz Politikarako sailburuordeak eta Ruper Ormaza Unesco Etxeko presidenteak Donostian eskaini duten prentsaurrekoan azaldu dutenez.

Itziar Idiazabal Inesco Etxeko hizkuntzalariak zuzenduko du ikerketa. Ikerlanaren bitartez, gaur egungo errealitate soziolinguistikoaren ezagupen hobea lortu eta gertakari linguistikoaren ikuspegi kualitatiboa jorratu nahi dira.

ALDAKETA SOZIALAK

Horregatik, ikerketak zenbait alde ezberdin landuko ditu, hala nola, gizarteak errealitate linguistikoa edo linguistikoak nola bizitzen duen edo dituen, haien pertzepzioa edo egoera hauetan izan duten bizipen partikularrak.

Zentzu honetan, Baztarrikak gogoratu du euskal gizarteak aldaketa ugari bizi izan dituela azken urteetan, eta soziolinguistikarekin loturiko aldeak ere aldakorrak direla. Euskararen Legearen pixkanakako ezarpenean, euskara testuinguru berriak irabazten ari da eta hizlariak ugariagoak dira eremu horietan, gaineratu du.

Hizkuntz politika eraginkorragoa eta euskararen aurrerapena indartuko duen diskurtso eraginkorragoa lortze aldera, Baztarrikak esan du beharrezkoa dela gizarteak euskararekiko duen pertzepzioaz eta jarreraz gogoeta egitea.

Bere iritziz, hizkuntz planifikazioan lan egiten dutenentzat ezinbestekoa da errealitate hori ezagutzea eta, horrela, hizkuntzaren inguruan jarrera positiboa bideratzea ahalbidetuko duten bitartekoak zeintzuk diren zehaztea.


162 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin