Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-UEUren espresio dantza, euskal musika eta kultura ikastaroak, Markeskoakoaren barnean ekaina arte


2006-02-15 17:32



BILBO, 15 (EUROPA PRESS)

Udako Euskal Unibertsitateak (UEU) bi ikastaro antolatu ditu hilabete honetatik datorren ekaina arte Markeskoako ikastaroen barnean. UEUko iturrien arabera, Espresio Dantza: gorputza askatu eta mugimenduaren inertzia sentitu eta Euskal musika eta kultura ikastaro praktikoa lelopean antolatu dira ikastaro hauek.

Zehatz mehatz, Espresio dantza: gorputza askatu eta mugimenduaren inertzia sentitu eta Euskal musika eta kultura izango dira Markeskoako ikastaroen izenburupean martxan jarriko diren lehen saioak eta dagoeneko bertan izena emateko epea zabalik dago.

Eibarko Udalak, ikastaro batzuetan laguntzak eskeiniko ditu bertan izena ematen duten eibartarrentzat. UEUk eskaintza integrala egin nahi du bere Eibarko Ikastetxe Nagusia ardatz hartuta: udan ez ezik, neguan ere erreferentzia akademikoa izan nahi baitu UEUk. Matrikulazioa www.ueu.org helbidean

Espresio dantzak bizipen-gune bat eskaintzen du, non mugimendu naturalaren bitartez, gorputzak, adimenak eta arimak bat egiten duten. Nork bere mugimendua ikertuko du espresio-bide eta ezagutza-modu bezala. Ikastaro praktikoa izango da.

Saioak gorputza atonduz hasiko dira eta bakarkako zein taldeko ariketak eta jokoan egingo dira. Bat-batekotasuna eta adierazpena askatzeko guneak irekiko ditugu, eragingarri higiarazle, sentsorial eta entzumenezkoak erabiliz.

Norberaren dantzarekin gozatu eta aske sentu nahi duen ororizuzenduta dago, irakasleak Amaia Otamendi eta Jordi Ramon izango dira. Guztira 18 ordutako ikastaroa da, ostegunero hiru ordutako saioak egingo dira arratsaldeko 16,00etatik 19,00etara. Otsailaren 23 tik apirilaren 6a bitarteko ostegunetan egingo da.

Matrikularen prezio orokorra 108 eurokoa izango da, UEUko kideentzat 92 euro, ikasle zein langabetuentzat 97 euro. Eibarko Udalak matrikularen %50a ordainduko die ikastaro honetan matrikulatzen diren eibartarrei (Eibarren erroldatutakoei).

EUSKAL MUSIKA ETA KULTURA IKASTARO PRAKTIKOA

Askotan entzun dira alboka, trikitixa edo txalaparta bezalako instrumentuak, baina gehienetan ez dugu jakiten zein den bere jatorria, eraketa, xehetasunak, errepertorioaren jatorria eta oinarria, ezta aspaldiko musikarien bizimodua.

Ikastaro honen helburua da ikasleak gure musikaren oinarriak ezagutzea, txalaparta, alboka, trikitixa, dultzaina, xirula, txanbela, ttun-ttuna etab. instrumentu tradizionalak ezagutu eta ikaslearen eskuetan jarri. Praktiken bidez, ikasleak instrumentu adierazgarrienen oinarrizko interpretazio maila jasotzeko aukera izango du.



Euskal musika herrikoia eta instrumentu tradizionalak gertutik ezagutu nahi dituen edonori zuzendua dago. Irakasleak Agus Barandiaran, Iker Lopez de Bergara eta Iker Diez Iturralde izango dira. Ikasle kopuruari dagokioenez, talde-mugatua antolatu da, 12 ikasle gehienez.

Guztira 36 ordutako ikastaroa da, asteazkenetan egingo da, egunero bi ordutako saiotan arratsaldeko 18,00etatik 20,00etara. Martxoaren 1ean hasiko da eta ekainaren 28an bukatuko da. Matrikulak 216 euro balioko du, 184 euro UEUko kideentzat eta 194 euro ikasle zein langabetuentzat.


332 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin