Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-UEMAk eta Behatokiak kritikatu dute Osakidetzako gaixoen hizkuntz eskubideak ez daudela bermatuta


2009-01-08 16:31

DONOSTIA, 8 (EUROPA PRESS)

UEMA Udal Euskaldunen Mankomunitateak eta Hizkuntz Eskubideen Behatokiak salatu dute Osakidetzako gaixoen hizkuntz eskubideak ez daudela bermatuta, osasun-erakundeko langile guztiak ez direlako elebidunak, lanpostu publikoen eskaintzetan euskara ezagutzea ez delako derrigorrezkoa eta puntuatzeko besterik ez duelako balio.

Donostian eskainitako prentsaurrekoan, Paul Bilbao Behatokiko zuzendariak eta Jon Bollar UEMAko presidenteak Osakidetzako zerbitzuetan euskara ezartzeko Eusko Jaurlaritzaren geldotasuna kritikatu dute, eta euskararen normalizaziorako 67/2003 dekretua saihesteko burutzen dituzten iruzurrezko teknikak salatu dituzte.

Bilbaok azaldu duenez, langileek euskara dakitela egiaztatzeko epea beti amaitzen da Osakidetzan lanpostua lortu eta egun gutxira, eta behin lana lortuta, berdin dio euskararen ezagutzako egiaztagiria iraungita egotea.

Modu honetan, Behatokiko arduradunak salatu du Eusko Jaurlaritzak ez duela bere aldetik egin behar duena egiten herritarrak bi hizkuntza ofizialetako edozeinetan artatuak izan daitezen Euskadiko ospitaletara doazenean.

Bestalde, Bollarrek Osakidetza arduradunei gogorarazi die herritarrek eskubidea dutela Administrazio publikoarengana gaztelaniaz zein euskaraz zuzentzeko, eta eskubide hori zergatik urratzen den azaltzeko eskatu dio Eusko Jaurlaritzari.

Azkenik, Bilbaok eta Bollarrek lanean jarraitzeko konpromisoa hartu dute, herritarrak Osakidetzako zerbitzuetan euskaraz zein gaztelaniaz artatzea lortu arte. Izan ere, beren esanetan, guztiak berdin jarraitzen badu, euskaldunak arrotz sentituko dira beren herrietako administrazio publikoetan.


360 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin