Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-U2 talde irlandarraren gaztelaniazko autobiografia kaleratuko du azaroan RBA argitaletxeak


2006-09-25 12:16

BILBO, 25 (EUROPA PRESS)

RBA argitaletxeak U2 talde irlandarraren gaztelaniazko autobiografia kaleratuko du datorren azaroan, U2 por U2 izenburupean. 150 ordutik gorako elkarrizketetan lau taldekideen eta managerraren testigantzak biltzen ditu liburuak.

Neil McCormick rock kritikariak gidatu eta Bono, The Edge, Adam Clayton, Larry Mullen Jr. eta Paul McGuiness managerrari eginiko elkarrizketek U2 taldearen historia birpasatzen dute, taldekideen hitzen eta irudien bidez azaldua.

1975ean, Dublingo Mount Temple eskolako lau nerabe jendez beteriko sukalde batean elkartu ziren banda bat eratzeaz hitz egiteko. Hiru hamarkada geroago lau nerabe haiek batuta daude oraindik musikaren eraginaren menpe.

U2 taldea Dublingo klubetatik mundu osoko estadioetara eraman duen bidaia kontatzen du autobiografiak. Ibilbide horretan zehar, 130 milioi disko saldu eta bira erraldoiak antolatu dituzte, eta kanpaina politikoen buru izan dira.

1970ko hamarkadako taldearen punk hastapenak, The Joshua Tree lanarekin lorturiko rock izar izaera, Achtung Baby diskoaren posmodernotasuna eta egun munduko talde eraginkorrenetakoa izatera heldu izana kontatzen ditu U2 por U2 autobiografiak.

Liburuan Bono abeslariak dioenez, ez zara rock izar bihurtzen zerbaiten gabezirik ez baduzu, hori aregi daukat. Zentzuduna bazara, normal sentitzen zara gauero maite zaituztela oihukatzen duten 70.000 pertsonari entzun beharrik gabe, gaineratzen du.

The Edge gitarristarentzat, rock and rolla momentu bat harrapatzea da, sen bat da, ez da jesartea eta idazten hastea zure estudioaren patxadan.


169 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin