Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Txirrindularitza.- Urkiolako Igoerak ohiko ibilbidea berreskuratuko du igandean


2006-08-08 16:37

BILBO, 8 (EUROPA PRESS)

Urkiolako Txirrindularitza Igoeraren 31. edizioa jokatuko da igande honetan. Bere ohiko ibilbidea berreskuratuko du lasterketak 2006ko edizioan, eta txirrindulariek berriro igo beharko dute bi aldiz Urkiola mendatea. Joan den urtean mendatera igotzeko errepidea hobetzeko lanak egiten ari zirenez, Dimatik igo behar izan zuten Urkiolako Santutegira.

Guztira 15 taldek hartuko dute parte igoeran: Pro Tourreko Euskaltel-Euskadi, Caisse dEpargne-Illes Balears eta Saunier Duval; bost Kontinental Profesionalak, Kaiku, Comunitat Valenciana, Relax-Gam, Andalucia-Paul Versan eta 3 Molinos-Resort; beste bost Kontinental, Grupo Nicolas Mateo, Massi, Spiuk-Extremadura, Viña Magna eta Orbea; eta Estatutik kanpo helduriko bi talde: Cycle Racing Team Vang japoniarra eta Team Tiaa-CREF estatubatuarra.

Joan den urteko edizioko irabazlea Saunier Duvaleko Joaquin Rodriguez kataluniarra izan zen, bere taldekide Leonardo Piepoli ordezkatuz irabazleen zerrendan; Piepoli lau aldiz izan da garaile Santutegian eta iaz ez zuen parte hartu. Aurtengo edizioan, Urkiolako Erregea ordezkoa izango da Joxean Fernandez Matxin-en taldean.

Lasterketaren aurkezpen ofiziala ostegunean izango da, eguerdiko 12,00etan hasita, Durangon. Froga igandean izango da, 13,00etatik aurrera, Durangoko Ezkurdi Plazatik hasita.


240 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin