Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Txirrindularitza.- Frantziako Tourrak bihar jakinaraziko du 2007ko ibilbidea, polemikaz inguratuta


2006-10-25 16:58

Antolatzaileek oraindik ez dute joan den urteko irabazleaz erabakirik hartu, Floyd Landisen positiboaren ondoren

BILBO, 25 (EUROPA PRESS)

Frantziako Tourreko antolatzaileek bihar iragarriko dute Parisen 2007ko edizioko ibilbide osoa. Lasterketa uztailaren 7an abiatuko da, Londresen egingo den 8 kilometroko atarikoarekin. Pelotoiko txirrindulari onenak ekitaldian ez egoteak, dopinaren itzalak eta, Floyd Landis estatubatuarraren positiboaren ondoren, iazko edizioko irabazlea nor izan zen ofizialki zehaztu gabe izateak markatuko dute biharko aurkezpena.

Nazioarteko txirrindularitzako izar nagusiak ez dira biharko aurkezpenean egongo, batez ere, UCI Pro Tour eta Italiako Giroa, Frantziako Tourra eta Espainiako Vuelta aurrez aurre dituen polemikaren ondorioz.

Tourra antolatzen duen Amaury Sport Organisation (ASO) enpresak ez du ekitaldira gonbidatu UCIko presidente Pat McQuaid irlandarra, eta ez du Floyd Landisen irudia gogoratzeko asmorik. Estatubatuarraren positiboak Oscar Pereirori (Illes Balears) eman zion elastiko horia birtualki, eta txirrindulari galiziarra ekitaldian egongo da, bere garaipenaren baieztapen ofizialik jaso ez duen arren.

Dopina izan zen 2006ko edizioko protagonista nagusia; ez bakarrik Landis kasua zela eta, baizik eta Espainiako Guardia Zibilak buruturiko Puerto Operazioa delakoaren ondorioz. Izan ere, operazio horren ondorioz ezin izan zuten parte hartu Ivan Basso italiarrak, Jan Ullrich alemaniarrak eta Alexandre Vinokourov kazajistandarrak.

Datorren urteko ibilbidearen informazio ofizial gutxi dago. Irteera Londresi eman zitzaion, eta Ingalaterrako hiriburuak atarikoa antolatuko du hiriko toki ospetsuenetatik, hala nola Buckinhgamgo Jauregia edota Trafalgar Square. Hurrengo egunean lehenengo etapa irtengo da bertatik.

Modu honetan, Frantziako Tourra Ingalaterrara itzuliko da; 1974an, Plymouthen egon zen, eta 1994an bi etapa egin ziren: Doverretik Brightonera eta Brightonetik Portsmouthera. Gainera, Liege (2004), Luxenburgo (1989 eta 2002), Dublin (1998), Hertongenbosh (1996), Donostia (1992) eta Berlin (1987) hiriei gehitzen zaie Londres Frantziatik kanpo Tourraren abiapuntu izan diren tokien artean.

LEBLANCEN AGURRA

Gainontzeko etapen berririk ez dago. Hala ere, aurreikusi da Belgikan sartuko dela (Gante), banakako bi erlojuz kontrako izango direla, eta, mendiari dagokionez, Puy de Dome eta Mont Ventoux mitikoak berriro igoko direla esaten da.

Jean Marie-Leblanc agurtzeko aukera ere emango du biharko ekitaldiak. Izan ere, Leblancek Frantziako Tourraren zuzendaritza utziko du karguan 18 urte egon ondoren, eta Christian Prudhommek ordezkatuko du.


236 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin