Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Txina.- Zazpi polizia txinatar atxilotu dituzte, preso baten heriotzaren ondoren


2009-01-14 15:14

PEKIN, 14 (EUROPA PRESS)

Zazpi polizia txinatar atxilotu dituzte Jiangxi probintzian (Txinako ekialdean) presondegian zegoen atxilotu baten heriotzaren ondoren, Shanghai Daily egunkariak gaur jakinarazi duenez. Kazetaren arabera, atxilotuen artean aipatu probintziako hiriburu Nanchangeko ikerketa taldeko bi buruzagiorde daude.

Egunkariak emandako informazioaren arabera, Wan Jianguo presoaren heriotza iazko abuztuaren 8an gertatu zen, atxilotu eta hilabete ingurura, berria orain arte ezagutu ez den arren. Hildakoaren familiak oraindik ez ditu autopsiaren emaitzak jaso, baina senidea ohiz kanpoko arrazoiengatik hil zela jakinarazi diote.

Wan bertako enpresa farmazeutiko bateko ordezkaria zen, eta poliziaren zaintzapean zegoen maiatzean Jiangxi Boya Bio Medicine konpainiak ekoitziriko botika bat xiringatu eta gero sei gaixo hil ondoren. Beste farmazeutika bateko langilea izan arren Wan atxilotu izanaren arrazoia ez da oraindik argitu.

Egunkariak segurtasun publikoko saileko (Polizia bere menpekoa da) iturri bat aipatu du, kasuari buruzko ikerketak irekita jarraitzen duelako adierazteko, eta atxilotua jipoi bat jaso ondoren hil zitekeela iradoki du.

Tokiko segurtasuneko sailak heroi eta bigarren mailako eredu titulua eman behar zuen saritzat xiringa hiltzaileen misterioa argitzen zuten agenteentzat. Hori dela eta, agenteek seguruenik grin gehiegirekin ikertu zuten Wan Jianguoren kasua, beharbada tortura erabiltzeraino.


172 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin