Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Txileko Gobernuak eta Tecnaliak lankidetza zientifikorako eta teknologikorako hitzarmena izenpetu dute


2009-01-30 18:12

BILBO, 30 (EUROPA PRESS)

Txileko Ekonomia Ministerioak eta Tecnalia euskal korporazio teknologikoak bien arteko lankidetza bultzatuko duen hitzarmena izenpetu dute gaur Bilbon. Hitzarmenaren bidez, zientzia eta berrikuntzaren alorrean lankidetza bultzatuko da, bai ikerketa aplikatuan, bai transferentzian, baita teknologiaren hedapenean ere.

Hiru urteko luzapena aurreikusi eta sei urtetara luzatu daiteken akordioak euskal korporazio teknologikoaren eta unibertsitateen, zentro teknologikoen, ikerketa erakunde eta enpresa txiletarren arteko elkarrekintzak erraztuko ditu, batez ere nekazaritza eta abeltzaintzako alorrean, elikagai-industrian, biozientzietan eta arrantzarako baliabideetan.

Hugo Lavados Txileko Ekonomia ministroa eta Luis Javier Telleria Neiker eta Azti nekazaritza eta arrantza ikerketarako zentroetako presidentea izan dira akordioa izenpetzeko arduradunak. Ekitaldian Gonzalo Saenz de Samaniego Eusko Jaurlaritzako Nekazaritza, Arrantza eta Elikadura sailburuak ere parte hartu du.

Ekintza kooperatiboak eta elkarrekin egin daitezken egitasmoak bultzatu eta profesionalak trukatzeaz gain, hitzarmenak Txilen martxan jarriko diren nekazaritza eta elikaduraren alorreko bikaintasunezko zentro teknologikoetako bat Neiker-Tecnaliak eta Azti-Tecnaliak ezartzea aurreikusten du, zentro hauek duten esperientzia, ezagutza eta funtzionamenduan oinarrituta.

Ekitaldiaren aurretik, Txileko ekonomia ministroak eta nekazaritza ministroak ikerketa zentro hauek Derion, Arkautin, Sukarrietan eta Pasaian dituzten instalazioak ikusteko aukera izan dute eta bertan egiten den lana zuzenean ezagutu dute. Bisita horiek egin ondoren, pozik agertu dira biak, eta beraien herrialderako bikaintasun zientifikoaren alorrean Neiker eta Azti erreferentziazko eredu bezala aukeratu izana berretsi dute.

Lankidetza hitzarmen honen testuinguruan, Asier Albizu Neiker-Tecnaliako zuzendari nagusiak eta Rafael Lorenzini Txileko Ekonomia Ministerioaren barruan dagoen Ekoizpen Garbiko Kontseilu Nazionaleko zuzendari eragileak asmo-akordio bat izenpetu dute, nekazaritza eta elikaduraren eremuan garapen jasangarriaren inguruko esperientziak trukatzeko.

Akordio honetan instituzio horretako langileak Neiker-Tecnalian trebakuntza egitea aurreikusten da eta nekazaritza eta elikaduraren eremuan garapen jasangarrian erreferente den euskal institutuko adituak Andeetako herrialdera joatea, beraien esperientzia erakusteko.


388 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin