Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Turkia.- Polizia turkiarrak 30 bat lagun atxilotu ditu balizko estatu-kolpe batekin zerikusia dutelakoan


2009-01-07 13:16

ISTANBUL, 7 (Reuters/EP)

Polizia turkiarrak 30 pertsona inguru atxilotu ditu gaur Gobernua postutik kentzeko balizko konplot bati buruzko ikerketaren baitan egindako azken operazioan, Anatolia estatuko berri-agentziak jakinarazi duenez.

Gutxienez 86 pertsona ikertu dituzte Turkiako mendebaldean estatu-kolpe bat planeatzagatik, haien artean Ergenekon erakundeko kideak diren erretiraturiko ofizial militarrak, politikariak eta abokatuak.

Anatoliaren arabera, Poliziaren operazioa sei probintziatan burutu da, Ankara eta Istanbul barne, Istanbulgo epaitegi batek susmagarriak euren etxebizitzetan eta lanpostuetan bilatzeko eta atxilotzeko agindu ondoren. Ankara eta Istanbuleko poliziak ez du ezer adierazi nahi izan.

Balizko estatu-kolpearen auzian egotzita dauden pertsonei hilketak eta bonben bidezko atentatuak planeatzea leporatu diete, modu horretan kaosa sortu eta militarren esku hartzea derrigortzeko.

Azken hilean, Turkiako apelaziozko goi epaitegiek 2006ko epaile baten hilketari buruzko epaiketa Ergenekonen aurkakoarekin lotzea agindu zuten.

Gobernuarekiko jarrera kritikoa duten batzuek uste dute konplotaren auzia mendekua dela, Justiziak joan den urtean Gobernuko alderdia den AK legez kanpo uzteko mugimenduak egin baitzituen; Gobernuak, aldiz, ezeztatu egin du loturarik dagoenik.


267 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin