Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Trebakuntza tailerretan matrikula egiteko epea ireki du Bilboko Udal Musika Eskolak


2009-01-20 11:42

BILBO, 20 (EUROPA PRESS)

Bilboko Udaleko Kultura eta Hezkuntza Sailaren menpe dagoen BilbaoMusika erakunde autonomoak 2009ko trebakuntza tailerren edizio berria hasiko du eta dagoeneko zabalik da matrikula egiteko epea. Ikastaro hauek eskolan ematen diren edukien prestakuntza hobetzeko ideiarekin egiten dira.

Aurten zazpi eduki izango dira ikasgai: lutheria; piano errepertorioa; txirula; herri kantagintza; inprobisazioa dantza tradizionalean; afrikar perkusioa; hiperaktibitatearen gorabeherak dituzten umeekin lan egiteko ikastaroa.

Matrikula egiteko epea zabalik izango da kurtso bakoitzeko plaza kopurua bete arte eta eskoletako ikasle zein irakasle eta interesaturik dagoen publiko zabalarentzat zuzendurik daude. Beraz, nahi duenak parte har dezake, matrikula eta ordainketa epe barruan eginez, antolakuntzak jakinarazi duenez.

Ikastaroak, BilbaoMusikako egoitzan egingo dira, Bilboko Sorkunde kaleko 8 zenbakian. Ikastaro bakoitzaren zenbatekoa motaren eta iraupenaren arabera izango da, eta 20 eta 70 euro bitartean izango dira. Tailerrak gaztelaniaz emango dira, herri kantugintzakoa eta txirula izan ezik, euskaraz izango baitira.

Tailerrak emango dituzten irakasleek profesionaltasun maila handia dute: Roberto Jardon Rico lutherlaria; galiziar dantza tradizionaleko irakaslea, gaita-jotzailea eta soinu-jotzailea den Sergio Cobos; Alfonso Maribona pianista; edota Ikertuz taldeko Belen Segovia eta Monica Taibo psikologo espezializatuak.


280 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin