Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Tirakada eginez poltsa bat lapurtu duen 19 urteko mutil bat atxilotu dute Berrizen (Bizkaia)


2009-01-27 14:08

BILBO, 27 (EUROPA PRESS)

Ertzaintzaren agenteek 19 urteko gazte bat atxilotu zuten atzo Berrizen (Bizkaia), poltsa bat tirakada eginez lapurtzea egotzita. Lapurreta Durangon (Bizkaia) jazo zen urtarrilaren 18an, eta biktima Galdakaoko Ospitalean artatu behar izan zuten, Eusko Jaurlaritzako Herrizaingo Sailetik adierazi dutenez.

Joan den urtarrilaren 18an, adineko emakumezko bati lapurreta egin zioten Durangon, bere etxeko atarian sartzera zihoanean. Biktimak salatu zuenaren arabera, pertsona batek poltsatik heldu zion eta zenbait metro arrastaka eraman zuen espaloitik, poltsa eskuratzea lortu eta alde egin zuen arte. Gertakari horien aurrean, anbulantzia bat bertaratu zen eta biktima Galdakaoko Ospitalera eraman zuen, zenbait ubeldura eta buruan zauri bat zituelako.

Durangoko Ertzainetxeko agenteek gertakaria ezagutu zutenean, ikerketa abiatu eta lapurretaren egilea identifikatu zuten. Hortaz, atzo Berrizen atzeman eta atxilotu zuten. Atxiloketaren unean gazteak aurka egin zien ertzainei eta, ondorioz, agenteetako batek hainbat ubeldura izan zituen. Atxilotua (delitu aurrekariak dituen 19 urteko gizon bat) epailearen esku jarri dute gaur goizean.


401 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin