Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-The Only Ones, Buzzcocks eta Stiff Little Fingers punk rock taldeak izango dira datozen hileetan Bilboko Kafe Antzokian


2009-01-05 13:44

BILBO, 5 (EUROPA PRESS)

Punk rock mugimenduak 1970eko hamarkadaren bukaeran eman zituen hiru talde handi igaroko dira datozen hileetan Bilboko Kafe Antzokitik. Horrela, The Only Ones taldea otsailaren 21ean izango da areto bilbotarrean; Buzzcocks izango dira hurrenak, martxoaren 5ean; eta Stiff Little Fingers irlandarrek martxoaren 12an joko dute Bilbon.

Aretoko iturriek jakinarazi dutenez, The Only Ones talde ingeles historikoa lehenengo aldiz izango da Euskal Herrian. 1970eko hamarkadaren bukaeran punk musika errotuta zegoen gizartean; Sex Pistols taldea banatu berri zen, The Clash taldeak bere bigarren diskoa plazaratu berri zuen eta Ramones taldea mundu mailako fenomeno bat bilakatu zen.

Orduan heldu ziren The Only Ones. Taldeko buru eta abeslaria zen Peter Perrettek drogen eta hauekiko menpekotasunaren inguruan hitz egiten zuen. CBS diskoetxea laster interesatu zen eta autoekoiztutako single bakar bat edukita diskoetxe haundiak fitxatu egin zituen.

1977an Lovers of Today singlea grabatu zuten, bere lehen arrakasta izango zena. Urtebete beranduago bere abestirik arrakastatsuena plazaratu zuten: Another Girl, Another Planet, single euskarrian. Handik hilabete batzuetara taldearen lehenengo disko luzea argitaratu zen. Orain, XXI. mendean, taldea berriz elkartu da kontzertu batzuk eskaintzeko, eta Euskal Herrian lehen aldiz izango da.

Bestalde, martxoaren 5ean Manchester hiriko (Ingalaterra) Buzzcocks talde mitikoa izango da Bilboko Kafe Antzokian, eta Another Bites biraren barruan bere lehen hiru diskotako abestiak jotzen arituko da.

Berriki taldearen lehenengo hiru diskoak berargitaratu dira: Another Music in a Different Kitchen (1978), Love Bites (1978) eta A Different Kind of Tension (1979). Hau dela eta Manchestereko taldeak Erresuma Batuan bira bat egingo du eta bertan soilik hiru disko horietako abesti ezberdinak joko ditu.

Berargitaratutako diskoak bertsio bikoitzean datoz, hau da, jatorrizko diskoaz gain beste bigarren bat dago, non demoak, zuzeneko abestiak eta John Peel irrati esatariarekin buruturiko saioak biltzen dituen, aurretik argitaratu gabeak. Berargitarapen hauen ardura EMI diskoetxeak hartu du.

Buzzcocks taldea Ingalaterrako punk rock taldea da, 1970eko hamarkadaren erdian sortua. Adituen iritziz, historiako lehenengo punk pop taldea izan zen Ramones-ekin batera, Velvet Underground, The Who, Stooges edo The Troggs moduko taldeen eraginpean sortua eta baita 1960ko hamarkadako garage eta beat doinuetatik ere edan dutelarik.

Manchesterreko taldearekin batera The Briefs taldeko kantariaren proiektu berria den The Cute Lepers taldeak ere joko du. Punk eta power pop musikaren formula tradizionaletara jo du bere taldeak bere lehenengo diskoa burutzeko. Taldea Steve E.Nix musikariak sortu du, aurretik The Briefs Seattleko taldean aritu zen gitarrista eta abeslaria. Garaian 1977ko punk musika egungo belaunaldira maisuki ekarri zuen taldea izan zen The Briefs.

Oraingoan, Nixek garai bateko erritmo bizkorrak mantsotu egin ditu abestien melodiak gehiago zainduaz, Ingalaterrako musikaren sonoridadea areagotuz eta koruetan emakumezkoen ahotsak sartuaz. Hala ere taldearen soinua bere oinarrian ez da horrenbeste aldentzen The Briefs taldeak zeukanetik. 11 abestik osatzen dute Cant stand modern music diskoa.

STIFF LITTLE FINGERS

Azkenik, martxoaren 12an lehenengo aldiz izango da Bilbon Stiff Little Fingers talde irlandar mitikoa. Belfast hirian sortu zen taldea The Vibrators bandaren abesti batetik hartuz izena eta inspirazioa The Clash eta The Damned moduko beste talde batzuetatik hartuz.

Jack Burns laster hasi da bere abestiak idazten eta garaian Gordon Ogilvie talde managerrak bultzatuta Stiff Little Fingers taldea sortu zen. Laster gailendu ziren beste talde batzuen gainetik, berezkoa baitzuten melodia ederrak egiteko trebezia eta baita inteligentziaz beteriko testu eta letrak burutzeko ere, garain beste batzuek egiten ez zutena eginez, Irlandan bizi ziren gazte askoren egoera bere hitzetan islatuz. Izan ere, garain sutan zegoen Irlanda moduko herri baten egoera islatu zuen taldeak.

Geroztik taldeak mundo osoan zehar hainbat bira burutu ditu, Ameriketako Estatu Batuetan, Kanadan eta Europan zehar aritu direlarik, beti ere jendaurrean arrakasta handia lortuz. Izan ere, garai bateko jarraitzaileekin zale gazteek ere bat egiten dute.


188 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin