Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Tecnaliak Zientzia eta Teknologia Lege berriari buruzko hausnarketa jardunaldia egin du Gasteizen


2009-02-03 13:16

GASTEIZ, 3 (EUROPA PRESS)

Tecnalia korporazio teknologikoak Zientzia eta Teknologia Lege berriari buruzko hausnarketa jardunaldia burutu du gaur Arkauten (Gasteiz) duen zentroan. Espainiako Kongresuko Zientzia eta Teknologia Batzordeko kideak diren Joan Calabuchek (PSOE), Javier Elorriagak (PP), Inma Rierak (CIU), Frances Canetek (ERC) eta Jose Ramon Belokik (EAJ) parte hartu dute topaketan.

Jardunaldian parte hartu duten zientzia eta teknologiako ordezkariek eta Euskal Autonomia Erkidegoko (EAE) administrazioak Zientzia eta Teknologia Batzordean parte hartzen duen taldeak lege berriaren oinarriaren inguruan dituzten iritziak entzuteko aukera izan dute, eta inguruko unibertsitateen, korporazio teknologikoen eta enpresen ekarpenak egin dituzte.

Tecnaliako arduradunek azaldu dutenez, jardunaldi honen bidez, eztabaida zabaldu nahi izan da ikerlarien, enpresen eta araudi berrian interesa duten I+G eta berrikuntzako kudeatzaileen artean. I+G+B sistemak Estatuan jasandako aldaketek araudia egokitzearen beharra sortu dute.

Legealdi honetan zehar, Espainiako Gobernuak zientzia eta teknologiaren sustapena eta koordinazioaren araudi esparrua berritzea aurreikusi du. Gaur egun indarrean dagoen Zientziaren Legea 1986. urtekoa da eta Gobernu espainiarrak gaur egungo nazioarteko testuingurura egokitutako tresna batengatik ordezkatu nahi du.

Parlamentu espainiarreko taldeen ordezkariak Estatuan zientziak eta teknologiak duen garrantzia eta Zientzia eta Teknologia Lege berriaren helburuen inguruan duen ikuspuntua azaldu ondoren, zientzia eta teknologiaren esparruko euskal ordezkariek duten ikuspuntua ezagutzeko aukera izan da.

Iñaki Largo Euskal Herriko Unibertsitateko (EHU) Enpresekiko Komunikazioaren arduradunak, EHUren ikuspuntua azaldu du; Jose Maria Matok IZKen ikuspuntua aurkeztu du eta Joseba Jauregizar Tecnaliako zuzendariak eta Jose Miguel Erdozain IK-4ko zuzendariak korporazio teknologikoena azaldu dute.


353 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin