Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Teatro Paraiso taldeak Grimm anaien Bremengo musikariak haurrentzako klasikoa antzeztuko du igandean Getxon (Bizkaia)


2009-02-12 10:38

BILBO, 12 (EUROPA PRESS)

Haurrek Teatro Paraiso taldearen azken ikuskizunaz gozatzeko aukera izango dute igandean Getxon (Bizkaia). Izan ere, eskarmentu handiko talde arabarrak Grimm anaien Bremengo musikariak obra klasikoa antzeztuko du Andres Isasi Musika Eskolan, errima-testuak eta musika uztartuz. Ikuskizuna saio bikoitzean eskainiko da: 12:30etan gaztelaniaz, eta 18:00etan euskaraz, Getxoko Kultur Etxeak jakinarazi duenez.

Izenburu bereko alegia abiapuntutzat hartuta, antzerki talde arabarrak giro bitalista eta poetiko batean kokatu du istorioa. Lau aktore musikarik, kontzertu baten erdian, era komiko eta musikalean beren zoritxarrak kontatzen dituzte: astoa, txakurra, katua eta oilarra dira. Guztiak bizitza ikaragarri baten sufrimenduez kexatzen dira: bakardadea eta kolpeak, gosea, kateak, ibilaldi luzeak eta labean amaitzeko beldurra. Zalantzazko ikuspegi horren aurrean amets bat nagusitzen da: Bremen hiri alemana.

Ikuskizuna, bizitzeko alaitasunari, laguntasunaren balioari, bidearen zailtasunei aurre egiteko ausardiari eta helmugara elkarrekin iristeko itxaropenari egindako kantua da. Helburua ez da geografikoa soilik, Bremen edozein lekutan egon baitaiteke, musika nota bakoitzaren bihotzean edo musika nota bat jotzen den edozein txokotan.

Bremengo musikariak obra Accademia Perduta - Romagna Teatri de Italia eta Teatro Paraiso antzerki taldearen arteko lankidetza-proiektuan kokatzen da. Horren bidez, Paraisok bere 30. urteurrena ospatu nahi izan du agertokiaren gainean.


392 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin