Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-SPRI eta Saretek lantaldeek hitzaldi bat eskeiniko dute otsailak 22an I+G lanen emaitzak babesteko tresnen berri emateko


2006-01-27 13:08



BILBO, 27 (EUROPA PRESS)

Euskal Autonomia Erkidegoko IRC-k, SPRI eta Saretek lantaldeek, jardunaldi bat antolatu du datorren otsailak 22rako Bizkaiko Teknologi Elkartegiko Barco eraikinean, biek batera egindako I+G lanen emaitzak babesteko tresnak ezagutarazteko asmoarekin.

Antolatzaileen arabera, SPRI-k eta Euskadiko Teknologia eta Berrikuntza Sareak (Saretek) Jabetza intelektualaren papera Lankidetza Zientifikoan eta Teknologia Industrialean izenburuko jardunaldia antolatu dute, batera egindako ikerketa edo garapen

lanen emaitzak arautzeko eta babesteko dauden tresnak ezagutarazteko eta haien erabilera bultzatzeko, diote komunikatu batean.

Hitzaldia enpresa industrialentzat, industriarekin lotutako zerbitzuen enpresentzat eta Saretek-eko eragileentzat izango da. Enpresen egungo testuinguru ekonomikoa dela eta, enpresa asko beren

ahalmenak eta gaitasunak handitzearen aldeko apustua egiten hasi dira, eta garapen zientifiko eta teknologikoko proiektuetan parte hartzeari ekin diote, gaitasun osagarriak dituzten hirugarren entitate batzuk lankide dituztela, diote SPRI-tik.

Baina enpresa txiki eta ertain hauetako askok ez dakite nolako

babesa jaso dezaketen akordio egoki bat erdietsiz gero, kontratuzko arautze desegoki batetik sor daitezkeen arazoen aurrean, ezta zeintzuk izan daitezkeen kontratuak ez betetzearen ondorioak ere.

DOAKO JARDUNALDIA

Jardunaldi hau doakoa izango da eta Zamudion burutuko da, IRC-ko (Euskal Autonomia Erkidegoko Berrikuntzarako Lotura Zentroa) kideek jarduera teknologikoa bultzatzeko antolatzen dituzten ekintzen barnean, euskal entitateek jakin dezaten zein paper garrantzitsu duen jabetza intelektualak batera egindako ikerketen eta garapenen emaitzak arautzeko -patenteak, softwarea zein copyrighta gordetzea-.

Saioan gai honen inguruan ospe handia duten entitateek jardungo dute, eta bertan bildutakoei azalduko diete noiz behar diren tresna hauek, nola erabili behar diren eta bai kasu zehatz batzuk ere eremu honetako gatazkak ebazteko.

Tarteko izango dira, besteak beste, honako enpresa hauek: Herrero & Asociados, Dynakin, Clarke-Modet & Co; eta honako erakunde hauek: EHU, CSIC-eko Teknologiaren Transferentziako Bulegoa eta Munduko Jabetza Intelektualaren Erakundea (MJIE / WIPO); eta ondorengo hauek izango dituzte mintzagai: Teknologiaren transferentzia egituratzeko metodoak, Jabetza intelektuala eta industriala kudeatzea, Tirabirak sor litezkeen eremuak Nazioarteko lankidetzan eta Gatazkak kudeatzea eta konpontzea nazioarteko lankidetzan.


295 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin