Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Soraluzeko Udala Gipuzkoako Foru Aldundiak familia zaintzaileei laguntzeko duen programan sartu da


2006-11-30 12:54

DONOSTIA, 30 (EUROPA PRESS)

Gipuzkoako Foru Aldundiak eta Soraluzeko Udalak jarduera-protokolo bat sinatu dute eta, horren bidez, Soraluze Sendian programan sartuko da. Programa horren helburua da etxean adineko pertsonak zaintzen dituzten familiei laguntzea. Gaur egun, Gipuzkoako 78 udalerri daude Sendian programaren barne eta Gipuzkoako Foru Aldundia gainontzeko hamar udalekin harremanetan jarri da datorren hilabeteetan jarduera-protokoloan sar daitezen. Orain arte 1.400 familia inguruk jasotzen dituzte ekimen horren onurak.

Foru erakundeko Gizarte Politikarako diputatu Esther Larrañagak adierazi duenez, Foru Aldundiak adineko pertsonak beren bizi ingurunean edukitzearen aldeko apustua egin du, egoitzetan sartzea atzeratuz edo saihestuz, eta horretarako, hainbat ekimen garatzen ari gara, besteak beste, eguneko zentroak, laguntza teknikoak eta etxez-etxeko laguntzak; zentzu horretan, funtsezkoa da zaintzailearen laguntza eta hori da Sendian programaren helburua.

Programa horrek hainbat zerbitzu biltzen ditu, besteak beste, familia zaintzaileei zuzendutako prestakuntza ikastaroak, laguntza psikologikoa eta autolaguntzako taldeak, aldi baterako edo asteburuetarako egonaldiak egoitzetan eta eguneko zentroetan, eta laguntza teknikoak. Programan dauden familiek baliabide horiek eska ditzakete beren beharren arabera.

Laguntza teknikoak eta behin-behineko egonaldiak dira gehien eskatzen diren baliabideak, lehenengoen kasuan adineko pertsonaren zainketa errazten dutelako, eta bigarren kasuan, berriz, zaintzaileentzat komenigarri delako atsedena hartzea indarra berritzeko, adierazi du foru diputatuak.

Larrañagak azpimarratu du adineko pertsonak zaintzen dituztenek eurengan ere pentsatu behar dutela, euren burua zaindu behar dutela, eurentzat tarte libre bat gorde, hobeto zaintzeko beharrezkoa den ezagutza bereganatu eta behar dituzten laguntza guztiak jaso. Programa horretan interesatuta dauden Soraluzeko familiek Udaleko Gizarte Zerbitzuetara joan behar dute.


112 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin