Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Sobroneko (Araba) Ur Museoak haurrentzako tailer berriak eskainiko ditu larunbatero apirilaren 11ra arte, bihartik


2009-02-06 16:48

GASTEIZ, 6 (EUROPA PRESS)

Sobroneko (Araba) Ur Museoak haurrentzako tailer berriak antolatu ditu Uraren Altxorraren Bila izenburupean, bihar hasi eta apirilaren 11ra bitartean. Tailerrak larunbat goizero egingo dira, 11:00etatik 12:30etara bitartean, eta 5 eta 10 urte bitarteko umeei zuzenduta daude. Parte-hartzaileei bizitzarako urak duen garrantzia erakutsiko zaie era didaktiko eta dibertigarrian.

Museo arabarreko arduradunen arabera, ekintza honek Ur Museoaren bisita pista-joko modura proposatzen du, lamia batek bidalitako gutun bat abiapuntu duela. Gutun honen bitartez umeak Ur Museoko areto

guztietatik pasako dira azken helburua lortu bitartean, Uraren Altxor baliotsua alegia.

Pista bakoitzaren bitartez, urari buruzko kontu berriak ikasteaz gain -bizitzarako duen garrantzia edo burutu beharreko erabilera arrazionala kasu- haurrek altxorraren atal bat ere eskuratuko dute. Umeek euren eskuekin sortuko dute altxor hau bisitaren amaieran.

Haurren laguntzaileek tailerrean dohainik parte hartu ahal izango dute edo, nahiago badute, Ur Museoko bisita gidatua egin ahal izango dute prezio murriztua eskuratuz (3 euro). Tailerrean parte hartzen duen haur bakoitzak 2 euro ordaindu beharko ditu, eta parte hartu ahal izateko beharrezkoa da aldez aurretik izena ematea 945 35 92 35 telefono zenbakian, tailerra ospatu baino aurreko eguneko 17:00ak baino lehenago.


459 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin