Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-SMS bidezko Bilboko Gabonetako Zorion Lehiaketak sariak banatu ditu eta mezuen aukeraketa bat dago ikusgai Otxarkoagan


2009-02-02 11:30

BILBO, 2 (EUROPA PRESS)

Bizitzak negar egiteko 1000 arrazoi ematen badizkizu, amets egiteko 1001 arrazoi dituzula erakus ezazu. Zure bizitzaz amets bat egin, eta zure ametsaz errealitatea. Eguberrion eta 2009 zoriontsu bat opa dizuet mezuari esker lortu du Thania Alonso beasaindarrak SMS bidezko Bilboko Gabonetako Zorion Lehiaketako saria, hau da, bi lagunentzako asteburu osoa ordaindurik Madrilgo Warner parkera joateko.

Otxarkoaga auzo bilbotarreko Tular elkarteak antolatutako bigarren sariketa izan da, Tular Irratirekin elkarlanean eta Bilboko Kultura eta Hezkuntza Sailaren babesarekin. Aurten, 100 SMS mezutik gora aurkeztu dira lehiaketara, eta publizitate hizkuntzan adituak diren epaimahaikideek baloratu dituzte.

Mezu irabazleaz gain, epaimahaiak beste SMS bat azpimarratu du bere originaltasunagatik. Roberto Perezen testu bat da, bere auzoko historia eta balioak aldarrikatzen dituena: Artxandako mazelen artean jaio zen Otxarkoaga, arraza, kolore eta pentsamenduen artean, beso zabalik hartzen zaituen jendea. 2009 Zoriontsua.

Gabonetako mezu originalenak azpimarratzeko, Otxarkoagan sortu den ekimenaren sari banaketa auzo honetako Udaltegian izango da gaur arratsaldean, eta bidali diren zenbait SMSen erakusketa bat ere zabalduko da. Erakusketa otsailaren 14ra arte egongo da ikusgai.


195 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin