Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Sestaoko Orfeoiak bere lehen mendeurrena ospatuko du igandean Bilboko Arriagan, Bilboko Musika Bandarekin batera


2006-11-10 11:59

BILBO, 10 (EUROPA PRESS)

Sestaoko Orfeoiak bere lehenengo mendeurrena ospatuko du igande honetan Bilboko Arriaga Antzokian Bilboko Udal Musika Bandarekin batera joko duen kontzertuarekin. Rafael Sanz-Espert banda bilbotarreko zuzendari titularraren zuzendaritzapean, kontzertua bi zatitan banatuko da. Lehenengoan, Udal Musika Bandak Juan Jesus Silguero bandako flauta bakarlaria eta Iñaki Gurruchaga arpa irakaslea Donostiako erdi-mailako Francisco Escudero Kontserbatorioan, bakarlari gonbidatuekin batera joko dute; bigarren zatian, aurretik aipatutako Sestaoko Orfeoiaren emanaldia izango da bere mendeurrena dela eta.

BilbaoMusikak programatutako kontzertuen zikloa martxora arte izango da hilero bi kontzertu eskainiz. Igandeetan egiten da Arriaga Antzokian, eguerdiko 12,00etan, eta sarrerek bi euroko prezioa dute (Antzokiko leihatilan eros daitezke sarrerak, kontzertuaren egunera arte).

Sestaoko Orfeoia, igande honetako protagonista, Andra Mari Parrokiaren babesean jaio zen 1886an, baina 1971. urtean berrantolatu eta Parrokiarekiko loturak apurtu zituen. 500 kontzertu baino gehiago eman ditu Estatuan zehar eta Euskadiko Orkestra Sinfonikoa, Bilboko Orkestra Sinfonikoa edota Leioako Ganbera Orkestrarekin batera ere emanaldiak eskaintzen ditu. Gaur egun, taldea Santiago Allende Santamariaren zuzentzen du eta 45 gizonezkok osatzen dute (lehen 14 tenore, bigarren 14 tenore, 9 baritono eta 8 baxu).

Igandeko kontzertuak Bilboko Musika Bandak hasiko du L. Bernstein-en La ley del silencio suite sinfonikoarekin, eta ondoren Sestaoko Orfeoiarekin batera estilo ezberdinak jasotzen dituen programa oso berezia aurkeztuko dute: Vangelis/W. Hautvasten 1492, Conquest of Paradise; P. Sorozabal eta J.M. Saez-A. Granadosen Ay, Tierra Vasca zortzikoa; G. Verdiren Nabuco morroien abesbatza ezaguna; eta B. Zapirain eta T. Mugika autoreen Txanton Piperri.

BAKARLARIAK

Iruneko Juan Jesus Silguero, Musika Bandako flauta bakarlaria, eta Iñaki Gurruchaga, arpa irakaslea Donostiako erdi-mailako Francisco Escudero Kontserbatorioan, izango dira kontzertuaren lehenengo ataleko protagonistak, Udal Musika Bandarekin batera. Silguerok hainbat musika-talde sortu ditu, Euskadiko Sinfonikoa, Bilboko Sinfonikoa eta Espainiako Orkestra Nazionalarekin aritu izan da eta flauta ikasteko liburuki biko metodo baten egilekidea da.

Bestalde, Iñaki Gurruchaga Euskal Herriko orkestra eta abesbatza guztiekin jo du arpa. Hainbat nazioarteko sari lortu ditu, Radio Franciak antolatutako Les Tournois du Royaume de la Musique saria, adibidez. Gurruchagak flauta ere jotzen du eta musika-tresna honekin kontzertu asko eskaini ditu bakarlari bezala, hainbat disko ere grabatu ditu eta Euskadiko Bakarlariak Orkestra Hondarribiko Musika Banda edota La Donostiarra Musika Bandako kidea ere.izan da. Igandeko programan C. Chaminaderen Concertino lana eta Mozart en Concierto para Flauta y Arpa obrak joko dituzte.

Bilboko Udal Musika Bandak berriz joko du Arriaga Antzokian abenduaren 3an, zuzendaritzako ikastaroaren bukaera kontzertua aurkeztuz, BilbaoMusikak urtero antolatzen duena.

Bilboko Musika Banda, gaur egun, BilbaoMusika erakundearen menpe dago. Bilboko Udaleko Kultura eta Euskara Sailaren menpeko organismo autonomoa da, eta Musika Eskola, Txistularien Banda eta Ikasfolken kudeaketaren arduraduna da. Era berean, musika kultura sustatu eta zabaltzeko ardura dauka, baita hirian bertan egiten diren ekintzena ere.


362 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin