Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Sei lagun atxilotu dituzte Makinan tona erdi txatarra lapurtzen saiatzeagatik


2006-10-30 14:02

BILBO, 30 (EUROPA PRESS)

Ertzaintzaren agenteek 17 eta 45 urte bitarteko sei pertsona atxilotu dituzte gaur goizaldean Markina-Xemeinen, hango enpresa batean 540 kilo letoi-txatarra (1.500 euro baino gehiagoko balioa zuten) lapurtzen saiatzea leporatuta.

Eusko Jaurlaritzako Herrizaingo Saileko iturriek gaur jakinarazi dutenez, gertakariak atzo gaueko 23,15ean hasi ziren, hiritarren segurtasunerako patruila bati Markinako enpresa batera joateko eskatu ziotenean.

Deia egin zuenaren arabera, zaratak entzuten ziren eta pertsona susmagarriak zeuden lantegitik gertu aparkatutako furgoneta batean. Behin hara helduta, Gasteizko matrikuladun furgoneta bat ikusi zuten ertzainek enpresaren kanpoaldean; barruan sei pertsona zeuden eta identifikatu egin zituzten.

Jarraian, lantegia miatzean, txatarra zuten hainbat zaku aurkitu zituzten. Antza, furgonetara eramateko prestatu zituzten susmagarriek. Guztira, tona erditik gora txatarra prestatu zuten eramateko. Horrez gain, furgoneta miatu ondoren, balio gutxiko beste objektu batzuk aurkitu zituzten ertzainek; horiek ere enpresaren barrutik hartutakoak ziren.

Gertakari horien aurrean, ibilgailuan zihoazen pertsonak atxilotu zituzten, enpresa batean lapurtzen saiatzea egotzita. 17 urteko mutiko bat eta 20 eta 45 urte bitarteko bost gizon ziren, eta Sestaoko eta Arrigorriagako bizilagunak ziren.

Bilboko Adin Txikikoen Fiskaltzaren esku utzi dute adin txikikoa eta beste bost atxilotuak, berriz, Gernikako Guardiako Epaitegiaren aurrera eraman dituzte gaur goizean.


320 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin