Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Saskibaloia.- Mustafa Shakur joko-antolatzailea jada ez da Tau Ceramicako jokalaria


2009-01-22 18:09

GASTEIZ, 22 (EUROPA PRESS)

Tau Ceramica Baskoniak eta Mustafa Shakur joko-antolatzaile estatubatuarrak akordioa lortu dute gaur jokalariaren kontratua eteteko, talde gasteiztarrak prentsa ohar batean jakinarazi duenez.

Shakur Greziara joan da arratsaldeko lehen orduan bere talde berriarekin ahalik eta lasterren aritzeko. Hala ere, oraindik ez dago argi non jokatuko duen, baina Tauk zorterik onena opa dio.

Mustafa Shakur (1,91 metro) joan den irailean heldu zen Tau Ceramicara denboraldiaren bukaerara arteko kontratuarekin, Poloniako Prokom Trefl Sopot taldetik. Albiste harrigarria izan zen denentzat, Europan esperientzia urria baitzeukan Shakurrek eta Zoran Planinicen hutsunea bete behar zuen, Prigionirekin eta Nocedalekin batera taldearen antolakuntza partekatuz.

Gorputz bikaina izan arren, jokalari estatubatuarrak lehiaketara egokitzeko zituen gabeziak laster geratu ziren agerian eta Dusko Ivanovicek ordezkoa bilatzea erabaki zuen. Abenduaren bukaeran Vlado Ilievsky mazedoniarra fitxatu izanak Shakur Gasteiztik alde egitea bizkortu zuen.

CHUCK EDISON

Mustafa Shakurrek jokalari atzerritarraren leku bat hutsi duenez, 28 urteko eta 2,01 metroko Chuck Edison hegaleko estatubatuarra hel daiteke Tau Baskoniara.

Hego Karolinako (AEB) jokalaria Lietuvos Rytasen ari da jokatzen gaur egun, baina talde lituaniarrak bizi dituen arazo ekonomikoek jokalariak irteera bat bilatzea eragin du.

Azkenean Chuck Edison Gasteizera heltzen bada, Tau Ceramicak perimetroko jokoa indartuko luke eta hiru eta lau postuetan joka dezakeen jokalari bat errotazioetan sartzea ahalbidetuko luke.


326 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin