Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Saskibaloia.- Igor Rakocevic (Tau) izan da Euroligako urtarrileko MVP


2009-02-02 13:17

GASTEIZ, 2 (EUROPA PRESS)

Igor Rakocevic Tau Ceramica Baskoniako eskolta serbiarra izendatu dute Euroligako urtarrileko MVP (Most Valuable Player), talde gasteiztarrak Lottomatica Roma, DKV Joventut eta Asseco Prokom taldeen aurka lorturiko garaipenetan egindako joko bikainaren ondoren. Rakocevicen partidako batez bestekoak ondokoak izan ziren urtarrilean: 24,6 puntu, 5 errebote eta 28 bat minutu.

Jokalari serbiarrak Lottomatica Romaren aurkako garaipenean (96-103) 31 puntu eta 8 errebote lortuta hasi zuen urtarrila. Gainera, jaurtiketa libreen marka hautsi zuen, 12 saiakeratik 12 sartuta.

Euroligako liga erregularreko azken partidan, DKV Joventuten aurka, Rakocevicek 19 puntu sartu zituen. Horrez gain, Euroligan jarraian sarturiko jaurtiketa libreen marka berria ezarri zuen, 58 jaurtiketarekin, Panathinaikosen zegoela Sarunas Jasikeviciusek iaz lorturiko marka hamar jaurtiketetan gaindituz.

Jokalari serbiarrak beste partida on batekin bukatu zuen urtarrila. Horrela, Top-16aren lehenengo partidako Asseco Prokom poloniarren aurkako garaipenean (99-77), 20 puntu sartu zituen 24 minututan (14 puntu lehenengo 7 minutuetan).

Igor Rakocevicek Euroligako historiako saskiratzaile nagusien sailkapenaren hirugarren postuan kokatu da urtarril bikainaren ondoren, Marcus Brownen eta Dejan Bodirogaren atzetik.


396 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin