Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Renfek Balioen trenaren eguna ospatuko du azaroaren 28an


2006-11-24 17:04

BILBO, 24 (EUROPA PRESS)

Renfek Balioen trenaren eguna ospatuko du azaroaren 28an. Iaz bezala, egun horrek balioko du Renfek gizarte-erantzukizunaren alorrean burutzen dituen ekintzak babesteko funts ekonomiko bat sortzeko. Aipatu estrategiari, hain zuzen, Balioen trena esaten diote, Renfeko iturriek gaur adierazi dutenez.

Helburua da 2007rako funts bat sortzea, gizarte, kultur eta ingurumen alorretako ekintzak garatze aldera. Funts horretan, azaroaren 28an Espainian Renfeko tren bat hartzen duen pertsona bakoitzeko euro bana jarriko da. Ibilaldiak berdin dio, hots, trena izan daiteke ibilbide luzekoa, AVE, ibilbide ertaineko eta aldirikoa. Beraz, egun horretako bidaiari-kopuruak baldintzatuko du gizarte-erantzukizuneko ekintzetarako aurrekontua.

Bigarren Balioen trenaren eguna ospatzeko, kontzientziazio ekintzak izango dira Bilboko aldiriko trenen gunean. Renfek, besteak beste, bidaia solidarioak antolatuko ditu GKEetako ordezkariekin eta kirol, akademia eta gizarte arloko jendearekin, magia egingo du geltokietan eta lore-haziak eta liburuxkak banatuko ditu. Hori guztia, trena erabiltzen duen jendeari zein egun den azaltzeko.

Bilbon, San Mamesko aldiriko trenen geltokia antzeztokia izango da: mago batek kale-magia egingo du geltokian eta aldiriko trenetan. Madrilgo Atochan, Sevillan, Malagan, Valentzian, Murtzian eta Asturiasen ere antzeko jarduerak izango dira.

Bidaiariei Balioen trenaren egunak zein helburu dituen ezagutzera emateko, 6.000 gutun banatuko dira, lore zuriko haltz haziekin, San Mamesko aldiriko trenen geltokian eta Bilboko aldiriko trenen guneko Abandoko Adif geltokian. Renfek, era sinbolikoan, balioak landatzera gonbidatuko ditu bidaiariak.

Bidaiariek, gutun-sistemari esker, haziak ezagunei edo senideei bidali ahal izango dizkiete; era horretan, balioen haziak hedatu egingo dituzte. Keinu sinboliko hori Renferen gizarte-erantzukizuneko konpromiso bat ezagutzera emateko modu berezia da; konpromiso hori da, hain zuzen, eramangarritasuna.

Erabiltzaileek beren iritzia emateko eta ekintzak erabakitzeko aukera izango dute. Renferen web-orrian gizarte-erantzukizunari buruzko atal berezi bat dago (www.renfe.es/rse). Atal horretan azaltzen dira Renfek kultura, ingurumen, gizarte eta etika alorrean Balioen trena konpromiso publikoa medio gauzatzen dituen ekintzak.

Konpromiso horrek koherentzia eta forma ematen die enpresak garatzen dituen gizarte-erantzukizuneko jarduerei. Renferen webgunean nabigatzen dutenek enpresak antolatzen dituen ekintzei buruzko iritziak eman ahal izango dituzte, baita ekintzak bozkatu ere, egoki iruditzen zaizkien lehentasunei esker. Iritzi eta boto horiek Renferi balioko diote jarduerak bideratzeko eta planifikatzeko, bezeroen pentsamoldearen arabera.


190 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin