Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Puzzle teknologikoen Puzzletek jokoa plazaratu du Elhuyar Fundazioak 12 eta 16 urte bitartekoentzat


2006-02-14 10:48

DVD honetako 60 puzzleak eginez, energiari eta teknologiari buruzko gauza ugari ikasteko aukera dute gaztetxoek

DONOSTIA, 14 (EUROPA PRESS)

Euskarazko joko berri bat ekoitzi berri du Elhuyar Fundazioak, Puzzletek izenekoa. Ordenagailurako joko didaktikoa da, bereziki 12-16 urteko gaztetxoentzat aproposa, Elhuyar Fundazioak igorritako komunikatu baten arabera.

Hainbat puzzle egin behar ditu jokalariak: biribilak batzuk, karratuak beste batzuk, edo hutsunedunak, edo trukatzekoak... Teknologiari eta, batez ere, energiari buruzkoak dira puzzleen gaiak. Bideoak eta 3Dko animazioak erabili dira DVD hau egiteko.

Teknologiaren eta energiaren mundua ezagutzeko, ordenagailurako euskarazko joko berri bat ekoitzi du Elhuyar Fundazioak: Puzzletek DVDa. Hamabi eta hamasei urte bitarteko gaztetxoentzako da bereziki aproposa, baina hortik gorako adina dutenentzat ere guztiz egokia da.

Puzzle ugari (60) izango ditu eskura jokalariak. Bere trebetasuna frogatzeko aukera aparta du jokalariak. Puzzleak osatu ahala, zailtasun-maila ere handitu egingoz da. Puzzleen ezaugarri nagusietako bat hau da: piezak mugitzean, aldatu egiten dira haren neurriak. Aldaketa horrek ate berriak zabaltzen dizkio jokalariari.

Ordenagailuaren pantailan puzzleak osatzea da, bada, abiapuntua. Baina puzzleak osatzeaz gain, hainbat informazio ere ematen du DVD honek. Puzzletek-eko gaiak teknologiari buruzkoak dira, energiaren gainekoak batik bat: energia-motak, energia-kontzeptuak fisikaren ikuspegitik, energia elektrikoa sortzeko sistemak industria eta ingurumenaren ikuspegitik aztertuta, besteak beste.

ELHUYARREN EKOIZPENARI BURUZ

Gai horretaz gain, beste hainbat ere lantzen ditu puzzleak: gizakiok hegan egiteko asmatu ditugun tresnak, hasi antzina-antzinako saioetatik eta gaur eguneko azken espazio-ontziak bitartekoak, urpekaritza, eta abar luze bat. Puzzle bakoitza bukatzean, gaiari buruzko informazio labur bat ematen du, bideoen eta 3D-ko animazioen bitartez. Nahi izanez gero, ematen diren azalpen teknologikoak, geografikoak edota historikoakirakurri eta inprimatu ahal dira.

Gainera, bi ahotsek ematen dituzte azalpenak. Horiek entzun eta gero informazio gehiago jaso nahi bada, kontzeptu-mapa batekin egin daiteke informazio-bilaketa. Nahi izanez gero, jolasten jarrai dezake jokalariak, erabiltzailearen esku baitago DVDan zer egin erabakitzea.

Aitzindaria da Elhuyar hezkuntza- eta dibulgazio-materialak euskaraz egiten, puntako teknologiez balituta betiere. 1994an egin zuen ordenagailurako lehenengo Cda, eta eskaintza zabala du gaur egun. Ordenagailurako softwarea, CDak eta DVDak ekoizteaz gain, Interneterako hainbat programa ere eginditu.


244 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin