Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Poltsiko Musika zikloa bihar bueltatuko da Bilbora, jazz, pop, akustiko, Brasilgo musika eta musika berriak eskainiz


2006-10-05 13:15

BILBO, 5 (EUROPA PRESS)

Bilboko Udaleko Kultura eta Euskara Sailak Poltsiko Musika programaren bigarren edizioa hasiko du bihar hiritarrei musika joera ezberdinak hurbiltzeko asmoz zuzenean, eta ostiralero eta azaroaren 3ra bitartean, Barrainkuako udaltegian gozatu al izango dute.

Jazz, pop, akustikoa, Brasilgo musika eta musika berria dira aurten programak biltzen dituen gustu guztientzako genero motak, eta Tarrega Twins bikotearen emanaldiarekin hasiko da bihar; ondoren, Mauri Meneses Guerriro, Jeronimo Martin Trio, La sombra y una más eta Itxaso-Iñaki Salvador bikotearen kontzertuekin jarraituko du.

Esan bezala, Poltsiko Musika bihar hasiko da Tarrega Twins gitarren bikotearekin. Errepertorioa gaur egungo eta betiko gitarraren paisaia nabarmenenen ibilbide pertsonala da. Publikoak gozatuko duen obren aukeraketa barrokorik onenetik gaur egungo musika motetara doa, flamenko joerak, jazz eta latindar soinuez nahasturik.

Hurrengo ostiralean (urriak 13) Mauri Meneses Guerreiro abeslari, gitarra-jole eta konpositore brasildarraren txanda izango da eta zenbait erritmoen fusioa egingo du, Pernanbucoko musika tradizionalean (bossa, chorroa eta jazz) oinarrituta.

Urriaren 20an Jeronimo Martin Trio hirukoteak txundituta utziko du publikoa konposizio propioak dituen errepertorioarekin eta baita jazza ere, beste musika estilo batzukin konbinatzen dutena: musika klasikoa, flamenkoa edota musika minimalista, besteak beste.

Programazioak urriko azken ostiralean jarraituko du, hilak 27, Bilboko La Sombra y una más taldearen kontzertuarekin. Kalitatezko hitzak dituen pop musika egiten du, gehienbat gaztelaniazko poesiaren hitzekin. Taldekideak Miguel Rebollo (gitarra) eta Javier Alcibar (gitarra akustikoa, armonika eta ahotsa) kultur gela edo aretotan konbinatzen dituzte eta CD bat dute kalean jada, Barakaldoko Antzokian aurkeztu zena arrakasta osoz.

Poltsiko Musika zikloaren bigarren edizioa azaroaren 3an bukatuko da Itxaso-Iñaki Salvador Duo bikotearekin. Artista biek esperientzia eta musika ibilbide zabala dute. Eguneroko bizitzan eta eszenatokian lagunak izanik, urteetan zehar hainbat musika proiektutan elkarlanean aritu dira. Gainera, kaleratzeko zorian dago Iñaki Salvadorren CD berria, non Itxasok protagonismo berezia duen kantu guztien ahotsa izanik. Oraingoan biak batera aritzen dira ahotsa (Itxaso) eta pianoa (Iñaki) formatuarekin, abesti eta melodia goxoak eta limurtzaileak abestuz, Itxasoren New Land-Lur Berria CDko errepertorioan oinarrituta daudenak.


200 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin