Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Pertsona bat atxilotu dute Donostian anaiari gerrialdean labankada bat emateagatik


2006-10-24 16:14

DONOSTIA, 24 (EUROPA PRESS)

Ertzaintzak 45 urteko M.P.F. gizonezkoa atxilotu zuen atzo arratsaldean Donostian, anaiari arma zuriz lesioak eragitea egotzita. Sukaldeko labana bat erabili zuen erasotzaileak biktimari gerrialdean labankada bat emateko, Ertzaintzak gaur jakinarazi duenez.

Atzo arratsaldeko 18,00ak aldera izan ziren gertaerak, biktima Donostiako Zurriola zubitik bizikletaz zihoanean. Une horretan, anaia bizkarretik hurbildu zitzaion eta labankada bat eman zion gerrialdean.

Minutu batzuk geroago, Ertzaintzako agenteek (erasoaren berri zuten dagoeneko) Donostiako Boulevard inguruan aurkitu zuten erasotzailea eta atxilotu egin zuten. Bestalde, biktima osasun-zentro batera eraman zuten, zauriak artatzeko.

Geroago jakin ahal izan zenez, bi anaiek beste liskar bat izan zuten aurreko gauean familiaren etxebizitzan. Borrokan egin zuten eta ertzainek esku hartu behar izan zuten. Atxilotua (M.P.F. 45 urteko gizonezkoa) aurrekari polizialak ditu eta epailearen esku geratu zen beharrezko izapideak bukatutakoan.


182 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin