Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Pelikulak eta hitzaldiak izango dira 2007ko martxoan ospatuko den Donostiako Giza Eskubideen V. Zinemaldiaren aurretik


2006-11-13 16:52

DONOSTIA, 13 (EUROPA PRESS)

Donostiako Giza Eskubideen V. Zinemaldia 2007ko martxoaren 16tik 23ra bitartean ospatuko da, baina jarduerak Okendo eta Lugaritz kultur etxeetan eskainiko den zinema eta hitzaldien ziklo batekin hasiko dira. Zikloan GKE eta erakunde laguntzaileek proposatutako pelikula eta dokumental sorta bat aurkeztuko dira.

Programazioari hasiera emateko, bihar arratsaldeko 19,00etan, Okendo Kultur Etxean eta Unicefen lankidetzarekin, En el mundo a cada rato (Patricia Ferreira, Pere Joan Ventura, Chus Gutiérrez, Javier Corcuera eta Javier Fesser, 2004) emango da, Tus Ojos etxeak ekoiztua.

Ziklo honek Gazteria, Hezkuntza, Lankidetza eta Giza Eskubideen Zuzendaritzak eta Donostia Kulturak batera antolatutako Giza Eskubideen Zinemaldiaren formatu bera du. Horrela, emanaldiaren ondoren, bertaratutako publikoak pelikuletan jasotako eskubideen gaietan aditu diren pertsonekin iritziak trukatzeko eta solasean aritzeko aukera izango du.

Hala, En el mundo a cada rato osatzen duten bost istorioen emanaldiaren ondoren, Unicefeko ordezkariak solasean arituko dira publikoarekin. Dokumental honek Unicefen lehentasunak ditu aztergai: inmunizazioa, lehen haurtzaroko garapen integrala, haurrak indarkeriaren aurka babestea, esplotazioa eta nesken diskriminazioa eta heziketa.

Zikloan beste pelikula batzuk ere eskainiko dira, horien artean Moolaadé (2005), Ousmane Sembene zuzendari senegaldarrarena, asilo eskubidea errespetatzearen eta ablazioaren arteko kontraesanari buruzkoa. Pelikula honek Halako begirada saria jaso zuen 2004ko Cannesko Zinemaldian, eta abenduaren 12an emango da Lugaritz Kultur etxean, arratsaldeko 19,00etan. CEAR-Euskadiko ordezkariek (Errefuxiatuen Laguntzarako Batzordea) parte hartuko dute solasaldian.

Pelikulek beste hainbat gai lantzen dituzte, esate baterako Memoria Historikoa Berreskuratzea, Gerra Zibilaren ondoren izandako errepresio frankistari buruzko Muerte en El Valle (C.M. Hardt, 1998) pelikula dokumentalean. Pelikula hori Okendo Kultur Etxean proiektatuko da 2007ko urtarrilaren 23an, 19,00etan. Britainia Handian ekoiztutako filma da, Amnesty International (AI) erakundeak proposatua, eta kritika bikainak eta hainbat sari jaso ditu nazioarteko zinemaldietan.

Solasaldian Nazioarteko AIko ordezkariek eta Paco Etxeberria antropologoak hartuko dute parte. Lege-medikuntzako irakasle honek Gerra Zibilean fusilatutakoen eta hildakoen hainbat gorpu lurpetik ateratzen jardun izan du.

Zikloa amaitzeko, Giza Eskubideen V. Zinemaldiaren inaugurazio ofizialaren aurretik, Elle Flandersen Zero Degrees of Separation (2005) pelikula dokumentala eskainiko da Lugaritz Kultur Etxean, 2007ko otsailaren 20an, arratsaldeko 19,00etan. Film honek Palestina eta Israel arteko gatazka du aztergai bi bikote homosexual ardatz hartuta, bata gizonez osatua eta bestea emakumeez. Gehitu kolektiboak parte hartuko du solasaldian.


134 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin