Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Pedro Almodovarren Volver filmak Donostiako LIV. Zinemaldiaren Fipresci sari nagusia jasoko du aurten


2006-09-04 13:47



DONOSTIA, 04 (EUROPA PRESS)

Pedro Almodovarrek zuzendutako Volver lanak Urteko Film Onenaren Fipresci Sari Nagusia jasoko du Donostiako 54. Zinemaldiaren baitan, Zinemaldi donostiarreko aurduradunek gaur prentsa-ohar batean adierazi dutenaren arabera.

Prentsa Zinematografikoaren Nazioarteko Federazioak urtean behin ematen duen Sari Nagusiak hirurogeitik gora herrialdeetako zine-kritikarien esker ona dakar. Mundu zabaleko 350 zine-kritikarik botoa eman dute 2005eko abuztutik 2006ko uztaila bitarte estreinaturiko pelikulen artetik bat aukeratuz.

Volver filmaren ekoizle Agustín Almodovarrek irailaren 15ean jasoko du Fipresci Sari Nagusia, Kursaalean egingo den Donostiako 54. Nazioarteko Zinemaldiaren inaugurazio-ekitaldian, bere webgunean, www.sansebastianfestival.com helbidean, adierazten den bezala.

Zinerik ausartena, originalena eta pertsonalena azpimarratzeko asmoz sorturiko sari hau, txaloak ugari jasotako Pedro Almodovar zuzendariaren pelikula berriari egokitu zaio zortzigarren edizio honetan, berau baitugu, izan ere, gaur egungo zinegile berritzailenetako bat, berezko unibertso oparo eta originalaren jabe ere badena.

Volver joan den martxoaren 17an estreinatu zen Espainian, ikusleen aldetik erabateko arrakasta lortuz eta zine-kritikarien oniritzi zabala erdietsiz. Iragan Cannesko zinemaldiko sail ofizialean txalorik gehien jasotako filma izan zen eta Aktoresa Onenaren saria filmeko emakumezko antzeztalde osoari eman zitzaion, alegia, Penélope Cruz, Carmen Maura, Lola Dueñas, Blanca Portillo, Yohana Cobo eta Chus Lampreaveri.

Pedro Almodovarrek bere filmaren promozioa egiten dihardu, Estatu Batuetan azaroaren 3an estreinatuko baita. Volver estreinatu aurretik, eta Oscar sarien datorren ekitaldiari begira promozio gisa, Mantxakoaren zortzi pelikulen kopia berriak berrestreinatuko dira ¡Viva Pedro! izeneko atzera begirako baten eskutik.




151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin