Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Pasaiako Udalak Ternuako arrain-sardarako bidean erakusketa zabalduko du bihar Victor Hugo Etxean


2006-11-09 12:13

DONOSTIA, 9 (EUROPA PRESS)

Pasaiako Udalak Ternuako arrain-sardarako bidean izeneko erakusketa inauguratuko du bihar herri gipuzkoarreko Victor Hugo etxean. Erakusketa honek nazioarteko ibilbidea izan du, eta bere iturburua 2006eko martxoaren 2an Santiagoko Museo do Pobo Galegon kokatzen da, handik Donostiako Aquariumera abiatzeko. Ondoren Portugal alderantz abiatu zen, non, uda pasa ostean, Pasaiarako bidea hartuko duen urtea amaitu arte. Hemendik aurrera, Frantziako kostaldeko museoetan jarraituko du bere ibilbidea.

Kanadak Espainian duen Enbaxadak babesturik, Rosa García-Orellan doktorearen erakusketa didaktiko honek, hainbat grafiko eta azalpenen bidez, bakailaoaren arrantza industrialaren etnografian zehar barneratuko du bisitaria, 1927 urtetik gaur egun arte.

Pasaiako Udaleko iturriek gogoratu dutenez, bakailaoaren arrantza industriaren jarduerak Pasaian izan zuen hasiera, Pysbeko enpresa ezagunaren bitartez, baina aurki, Galiziako A Coruña eta Vigoko portuetara zabaldu zen indartsu.

Jarduera honen ibilbidea konplexua izan da, bi gerra jasan behar izan baitzituen: Gerra Zibila eta II. Mundu Gerra. Bi guda hauek hainbat ekonomi eta politika plangintza baldintzatu zituzten, eta gerratik ateratako herrialdeak izan ziren, arrantzaren industrian inbertitzea erabaki zutenak, hain zuzen ere. 1950. urtean, Ternuako arrain-sardaren inguruan kokatzen zen enpresen kopuru izugarriak, jarduera mota honen hondamendiaren hasiera suposatuko zuen.

1960. urtean, izotzeratzeko beharrezko azpiegitura sortu zen Vigon, eta lehenik Hego Afrikan eta Hego Ameriketako hainbat herritan ondoren, arraintoki ugari eraiki zituzten, Pasaiakoari lekukoa hartuz.

Ternuako arrain-sardako bakailaoak kolapsoa izan ostean, 1992. urtean espezie honekiko geldialdi epea ezarri zen. Egun, oraindik ere, ez da berreskuratu eta arrantzaz bizi diren herrientzat ondorio garrantzitsuak dakartza.

Erakusketa honen komisario den Rosa Garcia-Orellan doktorea antropologoa da eta Ternuako arrain-sardeetan bakailaoaren arrantzaren inguruan burututako ikerketaren ondorioa da honako lan hau. Hombres de Terranova liburuaren eta nazioarteko arrantzaren arazoei buruzko hainbat artikuluren idazlea da.

Izaskun Gomez Pasaiako alkateak eta Lucia Querido Pasaiako Kultura zinegotziak azaldu dutenez, erakusketa bihar hasi eta abenduaren 31ra bitartean ikusi ahal izango da, Victor Hugo Etxean kokatzen den Pasaiako Turismo Bulegoaren ordutegi berean: astelehenetik igandera bitartean, 11,00etatik 14,00etara eta 16,00etatik 19,00etara.


182 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin