Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Pantallas Amigas eta Gaiak Segur Sarean abiaraziko dute euskal familien artean interneten erabilera segurua sustatzeko


2009-02-09 11:20

BILBO, 9 (EUROPA PRESS)

Pantallas Amigas ekimenak eta Gaia Euskadiko Telekomunikazioen Klusterrak Segur Sarean antolatu dute, eta bihar ospatuko den Internet Seguruaren Nazioarteko Egunarekin batera abiaraziko dute, euskal familien artean interneten erabilera segurua sustatzeko asmoz.

Internet Seguruaren Nazioarteko Eguna mundu osoko 50 herrialde baino gehiagotan ospatuko da eta helburu nagusia interesdun alderdi guztiak, pribatu nahiz publikoak, ahalik eta herrialde gehienetan biltzea da. Topaketa horien xedea teknologia berriak modu seguru eta arduratsuan erabiltzeko kontzientzia sortzea da, bereziki ume eta gazteen artean.

Segur Sarean ekimenaren sustatzaileen arabera, Euskal Autonomia Erkidegoaren (EAE) kasuan, Pantallas Amigas eta Gaiak euskal familiei zuzendutako webgune zehatza garatu dute: www.segursarean.net. Plataforma horretatik abiatuta erabiltzaileek honako gaiei buruzko edukiak aurkituko dituzte: mehatxu teknikoak ekiditeko oinarrizko informazioa, Euskadin dohainik eskuragarri dauden zerbitzu eta konponbideak eta interneteko hainbat erreferentzia. Hurrengo hilabeteetan guneko edukiak zabalduz joango dira.

Era berean, honako plataformaren bitartez Tribirual on line jolasera sartzeko aukera dago. Jolasa ohiko Trivial-ean oinarrituta dago eta interneteko mehatxuen (malware, grooming eta ciberbullying-a) eragina eta horien kontra hartu beharreko babes-neurriak ezagutzera eman nahi ditu. Tribirual-ek bereziki segurtasuna edo ordenagailuaren higienea eta erabiltzailearen segurtasunaren artean dagoen lotura nabarmentzen du.

Tribirual nerabeei -sareko erabiltzaile aktiboenei- zein gazte, ume eta orokorrean gainerako biztanle guztiei zuzenduta dago. Euskaraz nahiz gazteleraz erabili daiteke eta jolasa erakargarriagoa egiteaz gain, ikastea ere errazten duten animazioak dauzka. Bost gaietan egituratuta dago: birusak, harrak/troiakoak, spywareak, grooming eta ciberbullyinga. Atal bakoitzean honako alderdiak lantzen dira: zer dira, zelan jokatzen dute, zeintzuk dira orokorrean edota kasu zehatz bakoitzean hartu beharreko babes-neurriak, eragin ditzaketen kalte nagusiak, etab.

ERREFERENTZIA-ENPRESAK

Tomas Iriondo Gaiako zuzendari nagusiaren esanetan, Euskal Herrian, segurtasun-gaiari dagokionez, nazio nahiz nazioarteko mailako erreferentzia-enpresak ditugu. Ezbairik gabe, honako gaian dugun esperientziak eta ezagutzak internet bezalako sare ireki batetik eratorritako beharrei erantzuten dieten industria eta zerbitzu gehiago sortzera behartzen gaitu.

Iriondok telekomunikazioen euskal clusterrak adituak eta gaiari buruzko ezagutza biltzen dituen saila sortzeko duen konpromisoa nabarmendu du, Euskal Herrian interneteko segurtasuna gero eta modu eraginkorragoan kudeatu dadin. Segur Sarean, gazteenak sentsibilizatzeko ekimena, zalantzarik gabe aurrerapauso garrantzitsua da, gaineratu du.

Bestalde, Jorge Flores Pantallas Amigaseko (2009an bost urte beteko dituen ekimenak) zuzendariaren hitzetan, Segur Sarean proiektua ordenagailuen eta adingabekoen segurtasunaren artean lotura garbia dagoelako sortu zen eta guk denbora asko daramagu gai hori lantzen. Malwareari buruzko ezagutza eta konponbideetan ardaztutako ekintza bat burutu behar zela ikusi genuen, hiritarrek ordenagailuko segurtasuna erabiltzaileen segurtasunean eragina duela gogoan hartu dezaten.


288 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin