Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Pablo Donezar donostiarraren erakusketa izango da ikusgai bihartik Donostiako Koldo Mitxelena Kulturunean


2009-02-10 18:19

DONOSTIA, 10 (EUROPA PRESS)

Pablo Donezar artista donostiarrak Iturralde eta beste bidaiak izeneko lana aurkeztuko du bihartik Donostiako Koldo Mitxelena Kulturunean. Hiru gunetan banatu du Donezarrek erakusketa eta denboraren kontzeptu ezberdinak transmititu nahi ditu, eta helburu honekin, lan grafikoa, ikus-entzunezkoa eta instalazio bat erabiltzen ditu, Koldo Mitxelena eraikineko leku ezberdinetan. Erakusketa apirilaren 4a arte ikusi daiteke.

Areto donostiarreko arduradunek azaldu dutenez, eraikineko atarian hasten da erakusketa. Donezarrek Pedro de Iturralde marinel gipuzkoarraren itxurazko bidaia-koadernoa jarri du bertan; 20 orrialde eta 17 marrazki ditu koadernoak eta Jorge Luis Borgesek denboraren igarotzearen inguruan idatzitako testuek laguntzen dituzte. Koadernoarekin batera, egileak sortutako txapelak aurki ditzazke ikusleak; txapelak marinelaren tripulazioan lanean ari ziren gizonenak omen dira.

Erakusketak atariko eskaileretan jarraitzen du. Donezarrek planeta arteko bidaia bat antzematen duen bideo bat sortu du hemen kokatzeko. Agertzen eta desagertzen diren testuak dira, eskaileretan proiektatuak. Bi proiektore daude, gauza bera denbora ezberdinean ematen. Eskaileraren diagonala irudiak apurtzen ditu, aipatu du egileak berak. Bere ustetan, bigarren bidaia honek aurrekoak erakusten zituen mugaketak gainditzen ditu.

Ganbaran dago erakusketaren azken atala. Hondamena dirudien instalazio bat da; denboraren igarotzea da berriz ere, dio egileak. Lan honekin batera bi argazki serie ikusi ditzake jendeak. Lehenengoak, Nunca digas que es un sueño izenburupean, jendea bizi izan zen leku bat azaltzen du eta nola orain hondarrak besterik ez dira ageri; bigarrena, Ni caminos ni barcos para ti, antzinako paradisu baten suntsipena da.


267 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin