Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oskorriren The Pub Ibiltaria egitasmoak 11. edizioa beteko du abenduaren 21ean, Santo Tomas ergunarekin


2006-11-14 17:04

BILBO, 14 (EUROPA PRESS)

Bilbao Bizkaia Kutxak (BBK) abenduaren 21ean Santo Tomas egunean antolatu ohi dituen ekintzen artean, Oskorrik asmaturiko The Pub Ibiltaria dago. Aurtengoan hamaikagarren kontzertua izango da, beti bezala Bilboko Pio Baroja Plazan jarriko den karpan, arratsaldeko 19,00etatik aurrera.

Duela 11 urte, Oskorri taldeak abentura hau jarri zuen abian, The Pub Ibiltaria izenaz bataiatu zuten ikuskizuna, non artista Oskorriko partaideekin batera edozein instrumentu jo eta kantatu egiten duen publikoa den, jendea protagonista nagusia bilakaturik.

Nahi duten guztien artean moldatzen diren kontzertu demokratiko hauen funtzio nagusi batzuk betetzen ditu, gaurko aurkezpenean azaldu dutenez. Horrela, musika-tresnaren bat jotzen dakien edo ikasten dabilen edozeinek bere abileziak praktikan jartzeko aukera da. Halaber, kantatzea gogoko duen eta bere errepertorioa zabaldu nahi duenak aukera du horretarako, eta euskara ikasten dabilenak bere hizkera aberastu ahal izaten du kantuen testuen bitartez.

Halaber, kantuen letrak eta partiturak biltzen dituen koadernoa eskuratu daiteke. Kuaderno hauek, BBK Fundazioak argitaraturik, Bizkaiko koru, banda, fanfarre eta musika elkarte guztien eskutan jarriko dira eta, nahi duten guztientzako, BBKko Kultur Gelan ere banatuko dira.

Horrela, urtero legez, Santo Tomaseko ferian, Bilboko Pio Baroja Plazan egin ohi den The Pub Ibiltaria kontzertuan parte hartu nahi duten musika talde eta koru guztiek ondo prestatu eta entseatzeko, kantatzeko eta, ondoren, zuzenean diskoan argitaratzeko grabatuko diren 17 kantuen partiturak eta bertsoak biltzen dituen kantutegia.

Aurtengo kontzerturako errepertorioan denetariko kantuak daude, oso zaharrak eta nahiko berriak, oso ezagunak eta guztiz ahantziak, dramatikoak eta umoretsuak, sakonak eta arin-arinak, esate baterako, Iparraldean hain ezagun den eta orain Euskal Herri osora hedatuko den Bizi naiz munduan amodio kantu goxoa, Akerra ikusi degu, Alferraren astea, Izar ederra, Polita zeradela edota Aldrebeskeriak.

Autore ezagunen kantu batzuk ere badaude, hala nola, Jose Vicente Echagaray poeta donostiarraren 1813ko Donostiaren erreketa, tropa ingelesek Donostiako hiria erre zutenekoa; Biba Errepublika, etorri berria zen Frantziako Errepublikari Zalduby apaiz poetaren kritika bortitza; Pedro Migel Urruzunok garaian eginiko kronika, Sakamantekasen berriak, Juan Díaz Garaio, serieko bortxatxaile eta hiltzaile arabarraren atxilotze eta hiltzea; Karta Duesoatik, Tximela bertsolariak, Espainiako gerra ostean, Santoñako Duesoa kartzelatik ateratako bertso-karta; Ramon Artolaren Edariaren bertuteak; edota Oxobiren Maitatua sobera.


319 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin