Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oskorrik hiru kontzertu eskainiko ditu Bilboko Arriagan, abenduaren 15, 16 eta 17an, bere 35. urteurrena ospatzeko


2006-11-06 17:47

BILBO, 6 (EUROPA PRESS)

Oskorri musika taldeak bere 35. urtebetea ospatuko du abenduaren 15, 16 eta 17an Bilboko Arriaga Antzokian eskainiko dituen hiru kontzertu bikain eta errepikagaitzekin. Bilboko Musika Bandak urtero antolatu ohi duen Gabonetako Kontzertua, Oskorriren 35 urteetako errepertorioaren inguruan garatuko da aurten.

Horretarako, Oskorriren soinu berezia eta banda bilbotarraren nortasuna ere gordetzeko, konponketa berri bakanak moldatu behar izan dira, Euskal Konpositore Elkarteko presidente den Hilario Extremianaren kontura etorri direnak.

Dagoeneko zenbait entsegu eginak dira Oskorri eta Rafael Sanz Espertek zuzentzen duen Bilboko Musika Bandaren artean, eta emaitza harrigarria izan dela adierazi dute gaur Oskorri taldeko iturriek.

Errepertorioan hainbat kantu daude, hala nola, Emazurtz (Gabriel Arestirekin batera moldatu zuten kantu hunkigarrienetako bat), Forjarien kanta (Eibarko forjari grebalarien kantu zaharra), Aita gurea (Natxo de Felipek bere aitaren heriotzaren kariaz konposatua), Bizkaipourri (Bizkaiko kantuez osatua), Umepourri (ume kantuez onduriko popourria), Gu gaituzu Oskorri edo Gipuzkoako buelta.

Azken urteetako zenbait ere bildu dituzte, besteak beste, Gerradantza bakerako eta Lamikizko sukaldaria, eta derrigorrezko diren batzuk ere, hala nola, Arin Bero edota Furra furra ospetsuak.

Arriaga Antzokian abenduaren 15, 16 eta 17an (ostiral, larunbat eta igandearekin) egingo diren zuzeneko hiru kontzertuok disko bat argitaratzeko asmoz errejistratuko dira. Sarrerak salgai daude jada antzokiko leihatiletan, BBK-ko orotarako kutxazainetan eta Internetez, 6 eurotik hasita.


181 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin