Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oreka Tx taldearen Nömadak Tx filma hilak 26an Donostiako Zinemaldian aurkeztu ondoren zine-aretoetan estreinatuko da


2006-09-15 17:34

Pelikulak India, Laponia, Mongolia eta Saharara egindako bidaiak erakusten ditu eta EAE, Bartzelona zein Madrilen ikusiko da, besteak beste

DONOSTIA, 15 (EUROPA PRESS)

Raul de la Fuente zuzendari euskaldun berriak zuzendutako Nömadak TX Donostiako Zinemaldian estreinatuko da irailaren 26an.

Pelikulak Euskal Herriko mugak gaindituko ditu ondoren eta Bartzelona eta Madrileko zine aretoetan ikusgai izango da urrian.

Filmaren arduradunen inguruko iturriek prentsa-ohar batean adierazten dutenez, Amsterdamgo International Documentary Film Festival bezalako nazioarteko zinemaldiek jada interesa dute kulturen arteko topaketak, bidaiak eta txalaparta nagusi diren pelikula honetan.



Nömadak Tx soinua eta kulturak uztartzen dituen road movie-a da. Pelikulak lau urteko lana izan du eta bitarte honetan pelikulako protagonistek adivasiekin -Indiako kastagabetuak-, Laponiako samiekin, Mongoliako estepakoekin eta Saharaui herriarekin izandako esperientziak erakusten ditu. Bidai hauen helburua musika eta historia berriak ezagutzea izan da, orain, etxera bueltan, esperientziak pelikularen bitartez gizarteratzeko.

Nömadak Tx Kursaal 2an estreinatuko da asteartean, irailaren 26an arratsaldeko 19,00etan Donostiako Zinemaldiko Zabaltegi Bereziak atalean. Estreinaldiaz eta komunikabideentzako goizeko emanaldi bereziaz gain, Antiguo Berri zinematan eskainiko da asteazkenean arratsaldeko 18,30ean eta baita Principeko aretoetan ostegunean arratsaldeko 18,30ean ere. Gaurko prentsaurrekoan zuzendari, ekoizle eta protagonistek pelikularen trailerra eta kartela aurkeztu dituzte.

Nömadak Tx herri ezberdinen arteko aberastasun kultural eta linguistikoaren erakusle da. Bereber, saharaui, suomi, mongol, gaztelera eta ingeles hizkuntzak euskararekin bizi dira musika eta txalapartaren soinuetan murgilduz eta komunikazioa lortuz.

Estreinaldi nagusia Donostiako Zinemaldian izango den arren, lan honek Europako beste jaialdi batzuen arreta piztu du, Amsterdamgo International Documentary Film Festival, Frantziako Revolution, Bartzelonako In-Edit, Massachusetss Intercultural Film Festival edota Gijon-eko Nazioarteko Zinema Jaialdia kasu, eta, honez gero, beren programazioetan sartzeko asmoa erakutsi dute.


153 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin