Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oreka Tx taldeak Nömadak Tx Zuzenean ikuskizuna aurkeztuko du martxoaren 3an Bilboko Arriaga Antzokian


2009-01-12 12:37

BILBO, 12 (EUROPA PRESS)

Oreka Tx txalapartari taldeak Bilboko Arriaga Antzokian aurkeztuko du, datorren martxoaren 3an, Nömadak Tx Zuzenean ikuskizuna. Oraingoan, gonbidatutako musikari batzuek izango dituzte lagun Oreka Tx-eko kideek, eta Mendebaldeko Saharako Ariza Brahim abeslaria, Ganzoring artista mongoliarrra eta Ouafaa Aouttah abeslari berberea ariko dira.

Harkaitz Martinez, Igor Otxoa eta Mikel Ugarte dira Oreka Tx, eta bi urte eszenatokietatik urrun egon ondoren, berriro itzuliko dira haien musika zuzenean eskaintzeko. Bere ibilaldiaren bitartean Arriaga Antzokiko eszenatokian geldituko dira bere musika zuzenean eskaintzeko. Halaber, Mixel Ducau, Ritxi Salaberri, Juanjo Otxantorena eta Iñigo Egia jotzaileek parte hartuko dute kontzertuan. Kontzerturako sarrerak jadanik jarri dira salgai 6 eta 18 euro bitartean.

Oreka Tx txalapartariek, hitzordu honetarako bildutako musikariekin batera, musika eta irudiak nahasten dituen kontzertu-bidaia harrigarria eskainiko dute ikuskizunean. Indiara, Laponiara, Saharara eta Mongoliara egindako bidaien ondorioz sortutako musika interpretatuko dute, eszenatokiaren hondoan jarritako pantaila handian agertuko diren beste musikari batzuekin batera.

Zuzeneko musika Nömadak Tx pelikulako soinu-bandan oinarrituko da. Proiektu hau 2003, 2004 eta 2005ean zehar egin zuten eta bi musikarien historia kontatzen da. Zinta Donostiako Zinemaldian estreinatu zen 2006. urtean, eta mundu osoko ehun jaialdi baino gehiagotan eman da, orain arte 15 sari jasoz.


245 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin