Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ondarroako Emakumeentzako Jabekuntza Eskolak Munduko emakumeen literatura: Afrika beltza ikastaroa eskainiko du


2009-02-10 10:14

BILBO, 10 (EUROPA PRESS)

Ondarroako Emakumeentzako Jabekuntza Eskolak otsailetik ekainerako egitarau berria aurkeztu du, eta asteburu honetatik aurrera Munduko emakumeen literatura: Afrika beltza mintegia emango du. Klaseak, otsailaren 13an, martxoaren 6an, apirilaren 3an, maiatzaren 8an eta 15ean, eta ekainaren 12an eta 19an izango dira, Guzur Etxean, 17:00etatik 21:00etara bitartean.

Isa Castillo (Skolastika) izango da irakaslea eta bere helburua Afrikako emakumeen gaur eguneko literatura ezagutzeko bidea egitea izango da. Ahozko eta idatzizko literaturara hurreratu eta beste adierazpen kultural batzuen berri izango da mintegian, afrikar emakumeen ezaupidea izateko, antolatzaileek azaldu dutenez.

Matrikula egiteko hamar euro ordaindu beharko da, baina oinarrizko errenta jasotzen dutenek %50eko deskontua izango dute. Talde bakoitzeko, gutxienez, zazpi lagun izan behar dira eta bakoitzeko lagun-kopurua bete ahala itxi egingo da matrikulazioa; bestela, ikastaroa hasi arte egongo da zabalik.

Izena emateko matrikula-fitxa bete behar da eta ordainketa egin Udal Diru Bilketa Bulegoan edo hurrengo kontu zenbakira diru-sarrera eginda: 2095 0058 12 3830434777. Ordainagirian izena, bi abizen eta eskola hitza agertu behar dira. Matrikulazioa ez da onartuko matrikula-fitxa bete eta ikastaroa ordaindu arte. Dirua ordaindutakoan, bajarik izanez gero, ez da dirurik itzuliko. Ikastaroak EHUko aukera libreko kredituak ematen ditu.


183 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin