Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ondarroako emakumeentzako jabekuntza eskolak Irakurbide feministak literaturan ikastarorako matrikula ireki du


2009-02-03 13:22

BILBO, 3 (EUROPA PRESS)

Ondarroako emakumeentzako jabekuntza eskolak otsailetik ekainera bitarteko egitarau berria aurkeztu du, eta lehenengo ikastaroa Irakurbide feministak literaturan izango da, otsailaren 6 eta 7an. Saioak Guzur Etxean izango dira, 17:00etatik 21:00etara hilaren 6an, eta 10:00etatik 14:00etara hurrengo egunean.

Iratxe Retolazak euskaraz emango duen ikastaroak literaturara hurbiltzeko irakurbide feministez hausnarketa egitea izango du helburu. Bide horretan, hezkuntza literarioak testuetara hurbiltzeko garatu izan dituen eredu matxistak gainditzeko saioak egingo dira, literatura geureganatzeko hartu ditugun joera zenbait zalantzan jartzeko asmoz.

Izan ere, literatura-lanak geureganatu aurretik, irakurketak zedarritzeko eta mugatzeko joera zabalduegia dagoela azaldu dute ikastaroaren antolatzaileek. Alegia, maizegi irakasten zaigu nola behar duen literatura-lan batek irakurria izan, nola behar duen interpretatua izan. Eskolak ez ezik, eguneroko komunikabideek ere egiten dute lan hori. Horregatik, ikastaro honetan jasotzen ditugun eredu horien inguruko gogoeta bideak zabaltzeaz gain, irakurbide feminista zenbait garatzeari ekingo zaio, adierazi dute.

Matrikula egiteko bost euro ordaindu beharko da, baina oinarrizko errenta jasotzen dutenek %50eko deskontua izango dute. Talde bakoitzeko, gutxienez, zazpi lagun behar dira eta bakoitzeko lagun-kopurua bete ahala itxi egingo da matrikulazioa; bestela, ikastaroa hasi arte egongo da zabalik.

Izena emateko matrikula-fitxa bete behar da eta ordainketa egin Udal Diru-Bilketa bulegoan edo hurrengo kontu zenbakira diru-sarrera eginda: 2095 0058 12 3830434777. Ordainagirian izena, bi abizen eta eskola hitza agertu behar dira. Matrikulazioa ez da onartuko matrikula-fitxa bete eta ikastaroa ordaindu arte. Ikastaroak EHUk aukera libreko kredituak emango ditu.


174 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin