Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ondarroako (Bizkaia) Emakumeentzako Jabekuntza Eskolak otsailetik ekainera arteko egitaraua aurkeztu du


2009-01-27 13:13

BILBO, 27 (EUROPA PRESS)

Ondarroako (Bizkaia) Emakumeentzako Jabekuntza Eskolak otsailetik ekainerako egitarau berria aurkeztu du. Eskola honen helburua emakumeen partaidetza soziala eta politikoa bultzatzea da, eta horretarako, sare-lanean gauzatzen da proiektua. Aurten, gainera, sarea indartzeko erronkari heldu zaio ikasleen arteko harremanak eta elkartrukea sustatzen ahalegintzeko. Ikasturtean zehar, ikastaroak eta ikasturte amaierako ekitaldiaz gain, jardunaldi bat antolatuko da emakumeen udal kontseiluen gainean jarduteko.

Talde bakoitzeko, gutxienez, zazpi lagunek eman behar dute izena, eta ikastaro bakoitzeko lagun-kopurua bete ahala itxiko da matrikulazioa; bestela, ikastaroa hasi arte egongo da zabalik. Izena emateko matrikula-fitxa bete behar da eta ordainketa Udal Diru-Bilketa bulegoan egin (Kanttoipe, 3an) edo BBK-ko hurrengo kontu zenbakira diru-sarrera eginda: 2095 0058 12 3830434777.

Ordainagirian izena, bi abizen eta eskola hitza agertu behar dira. Matrikulazioa ez da onartuko matrikula-fitxa bete eta ikastaroa ordaindu arte. Dirua ordaindutakoan, baxarik izanez gero, ez da dirurik itzuliko.

Programazioa bost ildotan dago banatuta. Alde batetik Emakumeen Nortasuna eta Subjektibotasunaren ildoan, Zer estrategia asertibo ditut nik neure gabeziei, ahultasunei eta kontraesanei aurre egiteko? eta Nire gorputza, ni neu gaiak landuko dira; Kultura Berdefinitzearen ildoan, Irakurbide feministak literaturan; Munduko Emakumeek Elkartasunean eta Elkartrukean ildoan, Munduko emakumeen literatura: Afrika beltza; eta Feminismoaren ildoan, Begirada feminista emakumeen osasunari gainbegiratuko da. Azkenik Laikotasuna eta Feminismoa ere aztertuko dira.

Feminismoaren ildoa lantzeko Ondarroako Emakumeentzako Jabekuntza eskola mintegi gehiago prestatzen ari da. Eskaintza guzti horiez gain, eskolen Sareak antolatuta, martxoaren 28an emakumeen udal kontseiluei buruzko jardunaldia egingo da Ermuan (Bizkaia), eta ekainaren 6an, ikasturte amaierako ekitaldia egingo da Getxon (Bizkaia).


321 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin