Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oñatiko egoitza berrituak adineko mendekoentzako 83 plaza izango ditu


2006-12-13 18:24

DONOSTIA, 13 (EUROPA PRESS)

Gipuzkoako diputatu nagusi Joxe Joan Gonzalez de Txabarrik Oñatiko San Martin egoitza berritua inauguratu du gaur. Zentroa erabat eraberritua izan da, eta adineko mendeko pertsonentzat 83 egoitza-plaza eta unitate psikogeriatriko bat eskainiko ditu.

Gipuzkoako Foru Aldundiak zentroa berritzeko gastuaren %54 ordaindu du, hau da, 782.431 euro.

Lanak bukatu ondoren, mendeko pertsonen behar konplexuei erantzuteko egokitutako 83 plaza eskainiko ditu Oñatiko zentroak. Horietako 15 plazek espezializatutako unitate psikogeriatriko bat osatzen dute, dementzia edo portaerako arazoak dituzten adinekoentzako baliabide espezializatua, hain zuzen.

Zentroa egokitzeko egin den inbertsio osoa 1.462.127 eurokoa izan da, eta, esan bezala, Gipuzkoako Foru Aldundiak 782.431 euro ordaindu ditu, hau da, kopuru osoaren %54.

Joxe Joan Gonzalez de Txabarri diputatu nagusiarekin batera, egoitzaren inaugurazio ekitaldian parte hartu dute Gipuzkoako Gizarte Politikarako diputatu Esther Larrañagak, Oñatiko alkate Lourdes Idoiagak, zentroko zuzendari Sor Maite Izagirrek eta Gipuzkoako Foru Aldundiko eta Udaleko gizarte zerbitzuetako beste arduradun batzuek.

Gaurko ekitaldiarekin 15 hilabetez luzatu den lan prozesua amaitu da. Eraberritze lana faseka egin da, erabiltzaileen eguneroko bizitzan ahalik eta gutxien oztopatzeko.

Oñatin burutu diren jarduketen bitartez, zentroko hirugarren eta laugarren solairuak egokitu dira. Esaterako, gela guztietako komunak berritu dira, eta altzariak zein leiho guztiak aldatu dira. Halaber, unitate psikogeriatriko bat sortu da hirugarren solairuan, 15 erabiltzaileentzat. Baliabide hori urtarrilean jarriko da abian bete-betean, baina, hala ere, lehen San Martin egoitzan bizi ziren gutxi batzuk unitate horretara aldatu dituzte orain dela gutxi.

Lehenengo eta bigarren solairuak 1996. urtean berritu ziren eta indarrean dagoen araudiak xedatutakoa betetzen zuten orokorrean. Dena dela, konponketa txiki batzuk egin behar izan dira instalazioetan, argigintzan, pintura eta arozgintzan, hain zuzen ere.

Horietaz gain, beste hobekuntza lan batzuk ere egin dira eraikinaren kanpoaldeko arotzerian, larrialdietarako planean, instalazio elektrikoan eta sarbideetan.

EGOITZA GUZTIZ PRESTATUTA

Inaugurazioan, Gonzalez de Txabarrik Oñatiko egoitzako arduradunak zoriondu ditu eta adierazi du San Martin egoitza, eraberritze lanak egin ondoren, guztiz prestatuta dagoela udalerri honetako adineko pertsonei eta beren familiei kalitatezko zerbitzua emateko.

Zentroko zuzendaritzak nahiz bertako langile eta erabiltzaileek ahalegin handia egin dute obra hori burutu ahal izateko, eta iritsi da unea atentzio espezializatua eskaintzeko prestatuta dauden instalazio moderno, atsegin eta eroso hauetaz disfrutatzeko, adierazi du.

Diputatu nagusiak gogoratu du, gainera, Gipuzkoako egoitza gehienak eraberritze prozesu garrantzitsuetan murgilduta daudela. Izan ere, Gipuzkoako Foru Aldundia plan bat garatzen ari da lurraldeko egoitza guztiek 2008. urterako indarrean dagoen araudia bete dezaten.

Plan hori 2001. urtean hasi zen, eta Foru Aldundiak 60 milioi euro baino gehiago bideratu ditu guztira Gipuzkoako egoitzen egoera hobetzeko, hau da, inbertsio osoaren %60 inguru. Gipuzkoako 64 egoitzetatik 26 daude erabat egokituta; 18k datorren

urtean amaituko dituzte berritze lanak eta gainontzekoek 2008an.


221 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin