Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oliver Stone edota Adam Sandlerren lanak eskeiniko dira irailean Donostiako Zinemaldiaren Anoetako Belodromoko saioetan


2006-08-31 13:43



DONOSTIA, 31 (EUROPA PRESS)

Donostiako Anoeta Belodromoan egokitutako 3.000 lagunentzako lekua duen zine-areto erraldoiak, hiru saio berezi hartuko ditu Donostiako Nazioarteko Zinemaldiaren 54. edizioa bitartean. Hain zuzen ere Oliver stone, Adam Sandler, Kate Beckinsale eta Lluis Llach izango dira belodromoko saioetako protagonistak.

Zinemaldi donostiarreko arduradunen esanetan, hiru ekoizpen garrantzitsuen protagonista nagusiek bertan aurkeztuko dituzte euren lanak, zinemaz bere handitasunean gozatzeko esparru aparta honen sorreraren 20. urteurrenean.

Lluis Llach izango da irailaren 22ko saioaren zeremonia-maisua, Llach: la revolta permanent dokumentalaren estreinaldia dela eta, kantautore katalanaren jardunbidea eta bost langileren hilketa ekarri zuen Gasteizko gertakarien 30. urteurrenaren omenez joan den martxoan emandako kontzertua batera gainbegiratzen dituena. Llachek zenbait kanta abestuko ditu pianoa lagun filmaren emanaldi aurreko aurkezpenean.

Adam Sandler komikoa, Underworld film-sortako emakumezko aktore Kate Beckinsale eta Knight Rider (Auto fantastikoa) eta Baywatch (Hondartzako zaintzaileak) telesailetako David Hasselhoff protagonista ospetsua Belodromoan izango dira irailaren 26an, Click komediaren europar estreinaldian, Estatu Batuetan uda honetan izan den filmik arrakastatsuenetako bat.

WORLD TRADE CENTER

Eta Oliver Stone zuzendaria Belodromora itzuliko da irailaren 28an bere pelikula berriena aurkezteko, World Trade Center, I-11n Dorre Bikien barnera garamatzan zine-lan txundigarri eta hunkigarria, hau ere aurtengo udan Estatu Batuetan gailen izandako filma.

Oliver Stonek duela hogei urte, 1986an, inauguratu zuen Belodromoko aretoa Salvador bere pelikularen proiekzioarekin, eta harrituta gelditu zen zinema-areto gisa egokitutako esparru hura bete zuten 3.000 lagunekin. Zortzi urteren buruan, ez zuen zalantzarik egin Natural Born Killers (Hiltzaile jaioak, 1994) lanarekin itzultzeko, eta ikusleen harrera estreinako aldian bezain sutsua eta gogotsua izan zen.

Ordutik hona, zinema bere zentzurik herrikoi eta ikusgarrienean bizitzeko areto bihurtu da Anoeta Belodromoa. Bertan publikoaren txaloak jaso dituzte, besteak beste, Julien Templek (Absolute Beginners); Pedro Almodóvarrek (La flor de mi secreto); Mel Gibsonek (Braveheart); Stanley Donenek (Singing in the Rain [Euripean kantari]) edota Danny Boyle eta Robert Carlylek (Trainspotting), beste askoren artean.

Eta noizean behin proiekzioekin lotura zuten kontzertu bereziak ere eskaini izan dira, Caetano Veloso eta David Byrne, Carlinhos Brown Bebo Valdésekin, eta Tomatito musikariak, eta Euskadiko Orkestra Sinfonikoa Lalo Schifrinen zuzendaritzapean. Saio hauei informazio gehiago www.sansebastianfestival.com helbidean aurki daiteke.




221 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin