Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oinezko bati eraso egin eta lapurtzen saiatu den 20 urteko mutil bat atxilotu dute Bilbon


2009-01-29 12:36

BILBO, 29 (EUROPA PRESS)

Ertzaintzaren agenteek 20 urteko gazte bat atxilotu zuten atzo Bilbon, ustez indarkeriaz egindako lapurreta delitu baten egilea delakoan. Oinezko bati bide publikoan lapurtzeko eraso egiten ari zitzaionean harrapatu zuten atxilotua, Eusko Jaurlaritzako Herrizaingo Sailak gaur jakinarazi duenez.

Gertakariak 22:00ak aldera jazo ziren atzo, Bilbon. Gorte kaletik polizia auto batean hiritarren segurtasunerako lanak egiten ari zen patruila batek gizonezko batek beste bati lepotik heltzen ziola eta bere gauzak lapurtzen saiatzen ari zela ikusi zuen. Polizia autoa bi gizonezko horien parean gelditu zen eta, agenteak ikusterakoan, ustezko erasotzailea korrika hasi zen, baina ertzainek metro gutxira atzeman zuten.

Harrapatu zutenean, gizonak ertzainei eraso egin zien, ostikoak eta ukabilkadak emanda, baina agenteek hura geldiarazi eta atxilotu egin zuten, indarkeriaz egindako lapurretaren delitu bat eta agintaritzaren agenteen kontrako erresistentzia larria egotzita.

Minutu batzuk geroago, biktimak (ubeldurak zituen aurpegian eta lepoan) atxilotutako gaztea lapurreta saiakeraren eta erasoen egilea zela egiaztatu zuen. Atxilotua asteartean atxilotu zuen aurrez Ertzaintzak Bilbon, furgoneta baten barruan osten harrapatu baitzuten.


261 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin