Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oiartzungo Udalak argitaratutako Betiko jolasak liburua EAEko hainbat dendetan jarri da salgai


2006-02-13 17:28



DONOSTIA, 13 (EUROPA PRESS)

Pasa den urtarrilean, Errege bezperan aurkeztu zuen Oiartzungo Udalak jolas tradizionalak aztertzen dituen Betiko jolasak liburua eta jendearen aldetik jaso duen erantzun ona ikusita Gipuzkoa, Bizkaia eta Arabako hainbat liburu-dendetan salgai ipini da.

Udalerri gipuzkoarreko udalak ohar batean azaltzen duenez, liburuaren izenak berak dioen bezala, betiko jolasak haurrei gerturatzeko helburuarekin osatu zuten liburua Nekane Martiarena, Xabier Susperregi eta Iñigo Izargarai egileek, eta Oiartzungo haurrei banatu zitzaien herriko bi eskolen bidez.

Alabaina, argitalpen honek jendartean piztutako interes handia dela eta, Oiartzungo Udalak liburua herritik kanpo ere eskuragarri jartzea erabaki du eta dagoeneko salgai ipini da 12 euroren truke Gipuzkoa, Bizkaia eta Arabako hainbat liburu-dendetan, baita Nafarroan ere bai.

Liburuak 200 jolas tradizionaletik gora lantzen ditu; horietako asko galduta edo galtzeko zorian aurkitzen direnak eta gainera, Andoni Odriozolak eginiko marrazki dibertigarriek jolaserako gonbita egiten dute. Aipatu bestalde, egileek eginiko argazkiak ere ageri direla argitalpenean, jolasean ari diren haurrak agertuz.

Bakarkako jolasak nagusi diren egunotan aipatu, guraso askok faltan botatzen dituztela kaleko jolasak eta seme-alabei haien berri eman edota jolas horietako zenbait berreskuratzeko bide bikaina eskaintzen du liburuak.

Bitxikeria modura, bertako jolasez gain, munduko jolasei atal berezi bat eskaintzen zaie liburuan eta jolas tradizionalak haurrei gerturatzearekin batera, guraso eta seme-alaben artean euskararen erabilera sustatzeko tresna ere izan nahi du Betiko jolasakek.


477 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin