Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oiartzungo Udal Artxibategiari buruzko erakusketa bat aurkeztuko da bihar


2006-11-23 13:17

DONOSTIA, 23 (EUROPA PRESS)

Oiartzungo Udalak antolatu duen Udal Artxibategiari buruzko erakusketa aurkeztuko da bihar, goizeko 11,00etan, Oiartzungo Udaletxeko Osoko Bilkuren Aretoan. Erakusketa azaroaren 27an irekiko da eta abenduaren 14ra bitartean egongo da zabalik, Oiartzungo Udaleko iturriek gaur iragarri dutenez.

Udal Artxibategiko dokumentu esanguratsuenak eta berezienak jendaurrera ateratzeaz gain, erakusketa honek zenbaitetan itzalpean geratu izan den herriko historiaren hainbat pasarte gogoratu nahi ditu.

Horretarako zenbait historialari esanguratsuk Oiartzungo historiaren garai ezberdinei dagozkien hitzaldiak eskainiko dituzte erakusketak iraun bitartean. Historialari horien artean Lurdes Odriozola, Miguel Angel Barcenilla, Carlos Rilova eta Merche Tranche daude, eta biharko aurkezpenean eskainiko dituzten hitzaldien zehaztasunak emango dira.

Alde batetik herriko aberastasun dokumentala aztertu eta jakitera eman nahi du erakusketak eta, horrekin lotuta, herriko historiaren oroimen historikoa sustatu, orain artean behar beste aztertu ez den historia aberatsa bezain interesgarria.

Oiartzunek Pasaiako Portuarekin izandako harremana, liberalismoak herrian izandako indarra edota Barojatarrena nahiz Pikabeatarrena bezalako hainbat familia esanguratsuk sorburua Oiartzunen izan zutela bezalako datu interesgarriak eta beste hainbat gai landuko dira Iñigo Imaz historialariak Eusko Ikaskuntzaren laguntzarekin antolatu duen erakusketa honetan.


221 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin