Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Oiartzungo Haurtzaro ikastolako ikasle talde batek Eun dukat obnra taularatuko du larunbatean, Kilometroaken atarian


2006-09-21 12:51

DONOSTIA, 21 (EUROPA PRESS)

Kilometroak 06 egun handiaren atarian, Eun dukat antzerki lan ezaguna taularatuko du Oiartzungo Haurtzaro ikastolako ikasle talde batek larunbat honetan, Haurtzaro dantza taldeko partaideekin batera. Eugenio Arocena antzerkian aditua den oiartzuarraren zuzendaritzapean, On Manuel Lekuona eta bere anaia Martinek idatzitako antzerkia herriratzeko ahalegina egingo dute ikastolakoek. Zita, Madalensoro pilotalekuan izango da, arratsaldeko 19,30ean.

Eun dukat obra On Manuel Lekuona eta bere anaia Martinek idatzitakoa da eta oiartzuarrentzat antzerki klasiko bat da. 1923. urte aldera bukatu zuten idazlana. Hasieran Donostiarako egin zuten, baina gero Oiartzunen antzeztua izan zen, izugarrizko harrera onarekin, gainera.

1934. urte inguruan, Lekuona anaiek antzerkia berrantolatu zuten eta urte bereko abenduan Mendiburu antzerki taldeak antzerkia prestatzeari ekin zion. 1935eko martxoan Oiartzungo Romeronea deritzan etxeko antzokian estreinatu zuten, eta 1935eko apirilaren 28an, Donostian, II. Eusko Antzerki Egunaren ospakizunetan. Jai honetan Mendiburu taldeak lehen saria jaso zuen Eun dukat lanarekin.

1935 eta 1936 artean une oparoak izan zituzten oiartzuarrek, eta emanaldiak han-hemenka eskaini zituzten. 1948 eta 1950 artean Garbi Alai antzerki taldeak Juan Mari Lekuonaren zuzendaritzapean taularatu zuen Eun dukat. Obra 1966. urteko Eguberrietan eskaini zen azken aldiz, Lartaun Antzerki Taldearen eskutik.

Orain, Haurtzaroko gaztetxoek hartu dute lekukoa eta 1935ean oiartzuarrek ezaguna egin zuten antzerkia aurkeztu nahi dute, zertxobait egokituta, Eugenio Arocenaren zuzendaritzapean.

Beraz, Oiartzungo herriak berriro gozatu ahal izango du Manuel eta Martin Lekuona anaiek idatzitako lanarekin. Aspaldiko Ramus eta Auxtin, Atxitxer eta Petri, Ixteben eta Joxe Oiartzunen izango dira larunbatean. 40 urte pasa dira azken aldiz oiartzuarrek lan hori taularatu zutela eta asteburu honetan berriz ikusteko parada izango dute. Sarrera dohainik da.


234 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin