Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Noizpop disketxeak rock lan berri bat argitaratuko du, Josetxo Anitua & Atom Rhumba. Live! diska


2006-01-16 11:13



BILBO, 16 (EUROPA PRESS)

Noizpop disketxe bilbotarrak joan den maiatzaren 13an, Bilboko Kafe Antzokian Josetxo Anitua eta Athom Rumbak emandako kontzertua klaeratuko dute zuzeneko diska batean, Josetxo Anitua & Atom Rhumba. Live! izenekoa hain zuzen ere.

Zigiluko iturrien arabera, kontzertu berezi eta bakar baten testigantza isladaturik azaltzen da. Gau hartan Ruta 66 aldizkariak 20 urte bete zituen, eta hau ospatzeko Josetxo Anitua (Cancer Moon) kantaria eta Atom Rhumba taldea batera aritu ziren eskenatoki gainean eta orain kontzertu hura entzungai egongo da.

Cancer Moon taldea gelditu ondoren, azken urte hauetan Josetxo Anituak artista eta konposatzaile ezberdinekin batera kolaborazioak ezberdinak burutu ditu. Hala eta guztiz ere, hamar urte egon da eskenatoki bat zapaldu gabe.

Atom Rhumba taldearekin beti izan duen adiskidetasunak eta Ruta 66 aldizkariko kolaboratzaile aintzindaria eta lagun den Fernando Gegundezek bultzatuta kontzertu hau burutzeko aukera azaldu zen. Egun gutxitan eta entsegu urrirekin, disko honetan aurki daitezken abestiak prestatu zituzten. Gau haretan, kontzertu hura ikusteko sarrera guztiak bukatu ziren. Bertan leku ezberdinetatik etorritako jende ugari bildu zelarik, azaltzen da Noizpop disketxetik.

Orain, eta jendearen eskaerari erantzunez, Noizpop zigiluak kontzertu hura disko berezi batean plazaratu du, edizio mugatuko kaxa batean, non abestiez gain, liburuska bat ere badagoen, argazki ezberdinekin eta Josetxo Anituak berak idatzitako testuekin osatua.

ZAZPI BERTSIOAK

Gau haretan jo ziren abestiak bertsioak izan ziren, hain zuzen ere

Doc Pomus-en Lonely Avenue, Marc Bolan-en Painball Love, Velvet Underground-en Lady Godivas Operation, Caetano Velosoren Maria Beth*nia, Jonathan Richman & The Modern Lovers-en These Conga Drums, Them-en I Can Only Give You Everything eta Art Ensemble of Chicago-ren Theme de Yo Yo abestiak.

Disko osoa sonoritate batek zeharkatzen du hasieratik, Josetxo Anitua beraren kantaera Atom Rhumba taldeak berezkoa duen instrumentazio propioarekin bat egiten du. Rock bizia, musika ulertzeko era bat. Benetazko rock disko bat, tentsiodun abestiak, kolore ezberdinak, jarrera eta bihotzez egindako lana. Bakarra. Rock musika maite duen orok bere bilduman eduki beharreko diskoa, diote Noizpoptik.

Ale bat erreserbatu nahi bada, info@noizpop.com helbidera idatz daiteke, 656748598 telefonora deitu edo www.noizpop.com webgunea bisitatu.


315 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin