Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Noizpop disketxe bilbotarrak The Cherry Boppers boskote santutxuar gaztearen jazz-funk doinuko diska atera du


2006-09-12 12:43



BILBO, 12 (EUROPA PRESS)

Noizpop disketxe bilbotarraren eskutik Bilbotik datozen jazz-funk doinuak izango dira entzungai aurki, izan ere The Cherry Boppers boskote santutxuar gaztearen esteinuko diska, Dressin the puppet izenekoa, kaleratuko baitu eta bira bat osatu delako baita.

Pop zigiluaren iturriek komunikatu batean adierazi dutenez, The Cherry Boppers, Bilboko Santutxu auzoan sorturiko talde gaztea da. Pare bat urte da taldea martxan jarri zela eta egun bilboaldean hainbat eta hainbat lagunen ahotan dabil beren izena.

Eskeintzen duten freskotasunagatik, daukaten bizipoza dela medio eta beren jarrerak jotzen duten musikaren alaitasunarekin bat egiten duelako, arrazoitzen dute Noizpopetik. Berton beltz jatorriko musikarekiko duten zaletasuna garbi adierazten dute, hala nola, jazz-funk eta acid-jazz estiloen inguruan mugitzen direlarik.

Dantzara bultzatzen duten abesti bero bezain alaiak. Horrela, diskoan zehar, Hammond pianoak, txirulak, perkusioak eta saxoak bat egiten dute ohikoak diren kitarra, baxu eta bateriarekin. Hala nola, beltz jatorriko musika instrumentaletik zehar joan etorri bat egiten du taldeak. Ahoz ahozko zabalpenaren bitartez, aurtengo Donostiako Jazzaldian aritu dira bi egun jarraian kontzertuak emanez.

Bertan lorturiko arrakastak neguan zehar eskeiniko duten aurkezpen birarako indarrez bete du taldea. Disko hau beren aurkezpen lana da, estilo eta genero erakustaldi bat. Musika beltza zein Blue Note zigiluko artistak, zein James Brown, Maceo Parker edota Sugarman Three moduko taldeak maite dituen edonork bere bilduman derrigorrez eduki beharreko diskoa.

Diskoa Irailean izango da dendetan eta berau aurkezten penintsulako leku ezberdinetatik ibiliko dira. Datorren urteko uda aldera Donostian hasi, Bilbon jarraitu eta Gernikan jo ondoren, Xixon, Vigo, Madril, Valentzia, Toledo edota Gasteizen arituko dira ureta bukatu arte.

The Cherry Boppersko partaideak Xixo Yantani (kitarra), Txefo K-Billy (bateria), Lando. Stone (baxua), Bob Phillips Rivas (txirula, saxoa) eta Ignatius Johnny (pianoa) dira. Ale bat erreserbatu nahi duenak info@noizpop.com helbidera idatz dezake, 656 748 598 telefonora deitu edota www.noizpop.com webgunea bisitatu.


380 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin