Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Noise On Tour promotoreak 15 rock talderen 13 kontzertu ekarriko ditu EAEko musika aretoetara datozen lau hilabeteetan


2006-08-17 17:42



DONOSTIA, 17 (EUROPA PRESS)

Noise On Tour Promotions musika sustapen enpresak abuztuan, irailean, urrian eta azaroan Euskal Autonomia Erkidegoko (EAE) musika aretoetara guztira 15 rock talde ezberdinen 13 kontzertu ahalbidetuko ditu, promotore berako iturriek gaur prentsa-ohar batean jakitera eman dutenaren arabera.

Kontzertu hauen lehena Mother Superior estatubatuarrek Bilboko Azkenan abuztuak 24ko gaueko 23,30etan eskeiniko dutena da, jaietako ostegunean bertan. Hiriburu bizkaitarreko Azkenak Moksha eta Moho ere ikusgai jarriko ditu urriak 28an gaueko 21,00etan hamar eurotako prezioan, CD bat oparituko delarik sarrerarekin.

Bilbon rock kontzertuak eskeintzen dituen beste areto bat, Kafe Antzokiak bi kontzertu hartuko ditu, Gallon Drunk ingelesena urriak 3an eta The Drones australiarrena urriak 13, La Sectarekin batera. Bestalde, Bilborock Don Caballero amerikarrak izango dira azaroak 22an.

This Moment in Black Story amerikarrak Barakaldoko Edaskan joko dute, zortzi euroko preziopean, irailak 15ean eta leku berean, baina urriak 5ean The A-Frames amerikarrak arituko dira udalerri bizkaitar honetan.

Bizkaiko konztertuekin bukatzeko, urriak 28an Basauriko Basozelai futbol zelaian gaueko 21,00etatik aurrera eta hiru euroko prezioan The Dexateens estatubatuarrak joko dute. Azkenik, Durangoko Plateurenan azaroak 4an Samian eta The Draft amerikarrak arituko dira.

ARABAN

Speedbuggy USAkoek Gasteizko Helldoradon arituko dira irailak 23an eta astebete geroago, irailak 30an, Gasteizko areto berean izango dira Roy Loney & The Longshots taldekoak (The Flaming Groovies, Model Rockets, Barracudas edota Young Fresh Fellows taldetako kideekin osatutakoa) Pintalabios jaiaren barnean.

Hiriburu gasteiztarreko areto honek beste bi kontzertu hartuko ditu: bata Texas Terri Bomb estatubatuarrek urriak 28an Sex Museumkoekin batera emango dutena eta bestea Dead Moon amerikarrek azaroak 11an eskeiniko dutena.

Bizkaiko eta Arabako aretoetan jo aurretik, 15 talde hauek Bartzelona, Madril, Vigo, Valladolid, Alakante edota Xerez bezalako tokietatik biran ibiliko dira, bakoitza bere aldetik. Informazio gehiago www.noiseontour.com helbidean.


437 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin