Udalerri bizkaitar hontan ostiral arratsaldean Piedras filma espainairraren proiekzioa egingo da
BILBO, 22 (EUROPA PRESS)
Nikaraguako Tipitapa udalerriko alkatearen bisita izango dute ostiralean, otsailak 24, Berrizen eta udal ordezkariek martxoan El Salvadorrera egingo dutela bidaia ere iragarri dute bertoko iturriek.
Berrizko Udala kide den Euskal Fondoa erakundeak gonbidatuta Nikaraguako Tipitapa udalerriko alkatea Norman Cordobak, jasotako laguntzarekin aurrera atera dituzten proiektuen berri emango du eguerdiko 12,30etan Berrizko osoko bilkura aretoan.
Martxoan, berriz, Berrizko udaleko hiru ordezkarik, El Salvadorreko udalerrietako hauteskundeetan begirale lanak egingo dituzte Euskal Fondoko beste herri batzuetako ordezkariekin batera.
Rosa Mari Ostogain alkatearekin batera, Maria Jesus Garcia gizarte eta kooperazio teknikaria eta Juan Carlos Justo PSE-Eeko zinegotzia joango dira.
Bestetik, egun berean baina arratsaldeko 16,30etan Berrizko Udaleko Berdintasun sailetik Emakume-Osasuna eta Generoa izeneko egitarauean, zine emanaldia prestatu da Berrizko Kultur Etxean. Hain zuzen ere 2001ean Ramon Salazar zuzendariaren Piedras filma eskeiniko da.
Guztira 90 minutuko iraupena duen filma da eta bost emakumeren istorioen gurutzatzea, oinetakoak eta oinak kontagai hartuta izango du hizpide. Aktore gisa Antonia San Juan, Najwa Nimri, Victoria Peña, Monica Cervera, Angela Molina, Enrique Alcides, Daniele Leoti, Lola Dueñas, Maria Casal, Nacho Duato, Andres Gertrudix, Rodolfo de Souza, Geli Alvadalejo eta Santiago Crespo ibiliko dira Piedras pelikulan.
