Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Nekazaritza Ekologikoaren V. Azoka larunbatean ospatuko da Donostian 20 ekoizle ingurrekin


2006-09-04 17:49



DONOSTIA, 4 (EUROPA PRESS)

Donostiako Euskal Jaien egitarauaren barruan, Nekazaritza Ekologikoaren V. Azoka berezia ospatuko da larunbatean, irailak 9, goizeko 9,00etan hasita eta eguerdiko 14,00ak arte, Konstituzio plazan, Euskal Herri osotik etorritako 20 baserritar eta artisau jarriko dituztelarik beraien elikagaiak salmenta mahaietan.

Antolatzaileak diren Biolur Gipuzkoa arabera, azoka ekologiko hauen izaera herrikoia gogora ekarri nahi dugu, bertako baserritarrek, martxan dauden baserrietan eta nekazaritza ekologikoen araudipean ekoiztutako elikagai eta produktuak kontsumitzaileei modu zuzen batean aurkeztuko dituztelarik.

Bertan aurkitu ahal izango diren produktuek gero eta eskaintza zabalagoa osatzen dute: barazkiak, fruta, esnea, gazta (ahuntz, ardi eta behi gazta), arrautzak, txakolina, sagardoa, ardoa, eztia, mermeladak, ogia, pastak, kontserbak, pintxo ekologikoak eta talo ekologikoak dastatu ahal izango dira.

Gainera tinte eta janzki ekologikoak egiten dituen enpresa txiki bat eta kosmetika naturala lantzen duen beste enpresa txiki bat hurbilduko dira. Azpimarratzekoa da Zarauzko Blasenea barazki landare mintegia etorriko dela, Gipuzkoako lehendabiziko mintegi ekologikoa.

Horiez gain, informazio mahaiak ere antolatuko dira. Bertan Nekazaritza Ekologikoari buruzko hainbat liburu eta Ekonekazaritzak, Biolur Nafarroak eta iparraldeko Biharko Lurraren Elkarteak elkarlanean argitaratu dituzten barazgintzako monografiko batzuk eskuragarri egongo dira.

Ekonekazaritzari buruzko informazio gehiago www.ekonekazaritza.net helbidean aurki daiteke.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin