Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Naturgas Energia taldeak bere gain hartu du Gasnalsaren kontrol eraginkorra


2006-11-10 17:04

BILBO, 10 (EUROPA PRESS)

Naturgas Energia konpainiak Gasnalsaren kontrol eraginkor osoa du, Energiaren Batzorde Nazionalak (EBN) energia-taldeari era ofizialean komunikatu ostean erosketa-eragiketa onartu duela. Hori baino lehenago, Konkurrentzia Babesteko Zerbitzuak ere onartu zuen erosketa hori. Une honetatik aurrera, Naturgas Energiak Gasnalsaren giza taldeen eta bezeroei eskainitako zerbitzuen integrazioa abiaraziko du, Naturgaseko iturriek prentsa-ohar bidez gaur jakinarazi dutenez.

Naturgas Energiak irailaren 8an sinatu zuen Gasteizko Udalarekin, Arabako Foru Aldundiarekin eta Gas Naturalekin hitzarmen bat, Gasnalsaren gainerako %50a 45 milioi euroren truke erosteko (36 bi erakundeentzat eta 9 gas-konpainiarentzat).

Aipatu iturrien arabera, gogor egin du lan Naturgas Energiak helburu estrategiko hori lortzeko, eta hitzarmenarekin erronka hori bete dugu, azpimarratu dute. Horri esker, Euskadiko energia-operadore integrala eta gas-operadore nagusia bihurtu da Naturgas EnergIa, eta EAEko hiru hiriburuetan jardungo da aurrerantzean. Naturgas Energiak akzioak dituen EAEko udaletako gas-banatzaileak erosteko estrategian sartzen da eragiketa hori. Azken hilabeteetan, Naturgas Energiak Gas Hernani, Gas Pasaia eta Bilbogas erosi ditu.

Naturgas Energiak zerbitzuaren kalitatea eta hobekuntza bermatuko dituen zerbitzua eskainiko die Arabako biztanleei, eta taldearen sinergiez baliatu ahal izango dira eskaintza lehiakorren bitartez. Halaber, gauzatzen ari diren hirigintza-garapen berriak gasez hornitzeko behar diren azpiegiturak ezarriko ditu taldeak.


313 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin